केंद्रीय सामाजिक न्याय राज्यमंत्री रामदास आठवले यांच्या अंगावर काळा झेंडा टाकला
सुरत : वृत्तसंस्था
‘दलितांवर अत्याचार होत असताना आमचे नेते राजकारणात व्यग्र आहेत’, असा आरोप करीत एका दलित तरुणानं केंद्रीय सामाजिक न्याय राज्यमंत्री रामदास आठवले यांच्या अंगावर काळा झेंडा टाकला. हा प्रकार सुरतमध्ये पत्रकार परिषद सुरू असताना घडला.
रिपब्लिकन पार्टी ऑफ इंडिया (आठवले गट)चे नेते रामदास आठवले हे एनडीए सरकारमध्ये केंद्रीय मंत्री आहेत. देशात अनेक ठिकाणी दलित समाजावर अत्याचार सुरू असून त्या विरोधात आठवले काहीच बोलत नाहीत, असा आरोप करीत पत्रकार परिषदेला उपस्थित असलेल्या एका दलित तरुणाने आठवलेंच्या खांद्यावर काळा झेंडा टाकून निषेध नोंदवला. रामदास आठवलेंच्या मागे उभ्या असलेल्या तरुणाने अचानक काळा झेंडा टाकल्याने कोणालाच काहीच समजले नाही. हा सर्व प्रकार पत्रकार परिषद सुरू असताना घडला. या घटननेनंतर या तरुणाला बाहेर काढण्यात आले.
WATCH: Youth shows black cloth to Union Minister Ramdas Athawale during a confrence in Surat. #Gujarat pic.twitter.com/aR9QZia1In
— ANI (@ANI) April 8, 2018