दिल्ली विधानसभा : केजरीवालांनी कापलं ‘या’ 15 विद्यमान आमदारांचं ‘तिकीट’

नवी दिल्ली : वृत्तसंस्था – आम आदमी पक्षाच्या पॉलिटीकल अफेअर्स कमिटीची बैठक मंगळवारी पार पाडली. यानंतर दिल्ली विधानसभा निवडणुकीसाठीच्या सर्वच 70 जागांवरील उमेदवारांच्या नावांची घोषणा केली गेली. यानुसार, मुख्यमंत्री अरविंद केजरीवाल नवी दिल्ली विधानसभा मतदारसंघातून आणि उपमुख्यमंत्री मनिष सिसोदीया हे पतपरगंज विधानसभा मतदारसंघातून निवडणूक लढवणार आहेत. यावेळी आपने 15 विद्यमान आमदारांचं तिकीट कापलं आहे. त्या 15 आमदारांच्याजागी नवीन उमेदवार देण्यात आले आहेत. यात काही असे आमदार आहेत ज्यांनी पूर्वीच बंडखोरी केली आहे.

आम आदमी पक्षाने तिमारपूरचे विद्यमान आमदार पंकज पुष्कर यांचं तिकीट कापून दिलीप पांडे यांना उमेदवारी दिली आहे. बवानाचे विद्यमान आमदार रामचंद्र यांचं तिकीट कापून जय भगवान उपकार यांना उमेदवारी दिली आहे. मुंडकामधून सुखबीर दलाल यांचं तिकीट कापत धर्मपाल लाकडा यांना उमेदवारी देण्यात आली आहे.

विद्यमान आमदारांचं तिकीट कापलं गेलेले 15 आमदार पुढीलप्रमाणे-

मतदारसंघ          विद्यमान आमदार        तिकीट मिळालेले आमदार

1) तिमारपूर            पंकज पुष्कर                 दिलीप पांडे
2) बवाना               रामचंद्र जय                   भगवान उपकार
3) मुंडका               सुखबीर दलाल              धर्मपाल लाकडा
4) पटेल नगर         हजारीलाल चौहान         राजकुमार आनंद
5) हरिनगर             जगदीप सिंह                 राजकुमारी ढील्लो
6) द्वारका                आदर्श शास्त्री                विनय मिश्रा
7) राजेंद्र नगर          विजेंद्र                           राघव चड्ढा
8) कालकाजी          अवतार सिंह                  आतिशी
9) बदरपूर               नारायण दत्त शर्मा           राम सिंह नेताजी
10) त्रिलोकपुरी        राजू दिन गान                 रोहित कुमार मैहरोलिया
11) दिल्ली कँट         कमांडो सुरेंद्र                  वीरेंद्र सिंह कादियान
12) कोंडली              मनोज कुमार                  कुलदीप कुमार
13) सीलमपूर           हाजी इशराक                 अब्दुल रहमान
14) गोकुलपूर          चौधरी फतेह सिंह           चौधरी सुरेंद्र कुमार
15) मटिया महल      आसिम अहमद खान        शोएब इकबाल

फेसबुक पेज लाईक करा –

You might also like