नवी दिल्ली : वृत्तसंस्था – खास ख्रिसमसनिमित्त BSNL आपल्या युजर्ससाठी एक ऑफर आणली आहे. २४ डिसेंबर पासून आपल्या ९९८ रुपयांच्या स्पेशल टॅरिफ व्हाउचर मध्ये रोज ३ जीबी डेटा ऑफर करणार आहे. तसंच युजर्ससाठी १९९ रुपयांचा एक नवीन प्लान कंपनीने लाँच केला होता. जो आजपासून रिचार्जपासून उपलब्ध आहे. जाणून घ्या या ऑफरविषयी सविस्तर माहिती…
९९८ रुपयांच्या प्लानमध्ये मिळणारे फायदे
बीएसएनएलच्या या व्हाउचरमध्ये ख्रिसमस ऑफर अंतर्गत आता रोज ३ जीबी डेटा दिला जात आहे. आधी या प्लानमध्ये कंपनी २ जीबी डेटा ऑफर करीत होती. प्लानमध्ये २४० दिवसांची वैधता मिळते. या प्रमोशनल ऑफर संपल्यानंतर पुन्हा युजर्संना रोज २ जीबी डेटा मिळणार आहे. दुसऱ्या बेनिफिट्समध्ये कोणताही बदल करण्यात आला नाही.
१९९ रुपयांचा प्लान व्हाउचरमध्ये मिळणारे फायदे
३० दिवसांची वैधता सोबत या प्लानमध्ये कंपनी २ जीबी हाय स्पीड डेटा देत आहे. रोज १०० फ्री एसएमएस मिळणाऱ्या या प्लानमध्ये कॉलिंगसाठी २५० फ्री मिनि्टस मिळते. इन कॉलिंग मिनिट्सचा वापर लोकल सोबत एसटीडी कॉलिंगसाठी केला जावू शकतो.
सुपरस्टार बीएसएनएलचा ३०० प्लान
कंपनीचा हा प्रसिद्ध ब्रॉडबँड प्लान आहे. या प्लानमध्ये १००Mbps च्या स्पीड ने ३००जीबी डेटा दिला जात आहे. डेटा लिमिट संपल्यानंतर या प्लानमध्ये स्पीड कमी होवून २Mbps होते. या प्लानची मंथली रेंटल ७७९ रुपये आहे. प्लानच्या सब्सक्राईबर्सला डिज्नी प्लस हॉटस्टारचे फ्री सब्सक्रिप्शन मिळते.