Crime News | छापेमारीत चिरडले गेल्याने चार दिवसांच्या अर्भकाचा मृत्यू; 6 पोलिसांवर गुन्हा दाखल; 5 पोलीस निलंबित
पोलीसनामा ऑनलाईन – Crime News | झारखंडमधील गिरीडिह जिल्ह्यात एक ह्दयद्रावक घटना घडली आहे. आरोपीच्या घरात छापेमारी करताना पोलिसांच्या बुटांच्या खाली चिरडल्याने चार दिचसांच्या अर्भकाचा मृत्यू झाला. याप्रकरणी सहा पोलिसांवर गुन्हा दाखल करण्यात आला आहे. त्यातील पाच पोलिसांना निलंबित देखील करण्यात आले आहे. (Crime News)
गिरीडिहचे पोलीस अधीक्षक अमित रेणू यांनी दिलेल्या माहितीनूसार , देवरी पोलीस ठाण्यांतर्गत असलेल्या कोशोडिंगी गावात बुधवारी पहाटेच्या सुमारास काही पोलीस कर्मचारी दोन आरोपिंना अटक करण्यासाठी एक घरात गेले होते. या दरम्यान पोलिसांच्या बुटाच्या खाली चिरडले गेल्याने चार दिवसांच्या अर्भकाचा मृत्यू झाला असल्याचा आरोप कुटुंबियांनी केला आहे. मात्र बाळाच्या शरीरावर कोणत्याही बाह्य जखमा आढळल्या नाहीत. ज्या आरोपींना पकडायला पोलीस गेले होते त्यातील एक आरोपी बाळाचा आजोबा आहे. (Crime News)
पोस्टमार्टम रिपोर्टमध्ये अर्भकाच्या अंतर्गत अवयवांना धक्का पोहचल्याचा उल्लेख करण्यात आला आहे. त्यानंतर एफआयआर नोंदविण्यात आली. देवरी पोलीस ठाण्यातील संगम पाठक आणि एस. के. मंडल या दोन अधिकार्यांसह सहा पोलिसांविरूध्द गुन्हा दाखल करण्यात आला आहे. त्यापैकी पाच जणांना निलंबित करण्यात आले आहे.
मुख्यमंत्र्यांनी दिले चौकशीचे आदेश
दरम्यान आरोपी भूषण पांडे याचा एक व्हिडीओ वायरल झालायं ज्यात त्याने म्हटले आहे की,
‘पहाटे पोलीस आल्यावर मी पळून गेलो. माझ्या कुटुंबातील इतर सदस्य ही बाहेर गेले.
माझा चार दिवसांचा नातू बेडवर झोपला होता. पोलीस मला शोधत बेडपाशी आले आणि त्यांनी बाळाला चिरडले.
नंतर माझे कुटुंबिय जेव्हा आले तेव्हा त्यांना बाळ मृतावस्थेत दिसले.’ झारखंडचे मुख्यमंत्री हेमंत सोरेन यांनी
हा व्हिडिओ ट्वीट करत चौकशीचे आदेश दिले होते.
Web Title :- Crime News | 4 days old infant dies after police crushed him under boots during raid in giridih
Join our WhatsApp Group, Telegram, facebook page and Twitter for every update
Jalgaon ACB Trap | 5 हजार रूपयाच्या लाच प्रकरणी तलाठयासह कोतवाल अ‍ॅन्टी करप्शनच्या जाळयात