पिंपरी : पोलीसनामा ऑनलाइन – आपल्या सुरेल आणि जादुई आवाजाने लहान-थोरांच्या मनावर अधिराज्य गाजविणाऱ्या बालकलाकारांना ऐकण्याची संधी पिंपरी-चिंचवडकरांना मिळणार आहे. निमित्त आहे ते ‘दिवाळी पहाट अर्थात जल्लोष बालगोपाळांचा’ या कार्यक्रमाचे ! ‘प्रभाती सूर नभी रंगती’ याची प्रचिती या कार्यक्रमातून रसिकांना निश्चितच येईल.
औद्योगिक नगरी अशी ओळख असलेल्या पिंपरी-चिंचवडमधून अनेक कलाकार उदयास येत आहेत. तर उद्योगनगरीला सांस्कृतिक चेहरा देण्याचा प्रयत्न सामाजिक क्षेत्रातील धुरीण करीत आहेत. याच अनुषंगाने समर्थ प्रॉडक्शन आणि मातृमंदिर विश्वस्त संस्थेतर्फे शनिवार, दि. 26 ऑक्टोबर 2019 रोजी दिवाळी पहाट या कार्यक्रमाचे आयोजन करण्यात आले आहे. हा कार्यक्रम पहाटे 5.30 वाजता चिंचवडमधील रामकृष्ण मोरे सभागृहात होणार असल्याची माहिती समर्थ प्रॉडक्शनच्या सौ. रमा पाटील यांनी प्रसिद्धी पत्रकाद्वारे दिली.
अभंग, भक्तिगीत त्याचप्रमाणे लोकप्रिय गीतांचा मिलाफ असलेल्या या कार्यक्रमात चैतन्य देवढे, अंशिका चोणकर, सोहम गोराणे, सई जोशी, अभिषेक कांबळे, अंजली गायकवाड, ऋचा पाटील आणि भारतरत्न भीमसेन जोशी यांचा नातू विराज श्रीनिवास जोशी यांचा सहभाग असणार आहे. कार्यक्रमाचे संगीत संयोजन शामजी गोराणे यांनी केले आहे.
प्रकाशाचा उत्सव असलेल्या दिवाळीनिमित्त आयोजित केलेल्या बालकलाकारांच्या सुरेल मैफलीस रसिकांनी आवर्जून हजेरी लावून दिवाळीचा आनंद द्विगुणीत करावा, असे आवाहन कार्यक्रमाच्या आयोजक रमा पाटील यांनी केले आहे. हा कार्यक्रम रसिकांसाठी विनामूल्य खुला आहे. अधिक माहितीसाठी ९१६८३१७८७६ या क्रमांकावर संपर्क साधावा.
Visit : Policenama.com
- ‘हे’ सेवन केलंत तर डोकं चालेल जबरदस्त ! जाणून घ्या काय आहे यामध्ये –
- डोळ्यांची ‘ही’ लक्षणे ओळखली तर ‘या’ आजारांवर वेळीच करू शकता उपचार –
- डोळे आल्यास अशी घ्या काळजी, संसर्गापासून वाचण्यासाठी असे करा उपाय –
- आकर्षक फिगरसाठी करा ‘हे’ ५ घरगुती उपाय, वजन होईल कमी –
- चांगल्या आरोग्यासाठी शरीराला दररोज किती कॅलरीजची असते आवश्यकता –
- स्मार्टफोनचा अतीवापर केलात तर लवकर होऊ शकता म्हातारे, जाणून घ्या –
- गर्भनिरोधक गोळ्यांचा वापर करा योग्य प्रमाणात, होऊ शकतो ‘हा’ गंभीर आजार –
- पिळदार शरीरासाठी ‘हे’ आवश्य खा, असा करा या पदार्थाचा वापर –