English Is No Compulsory In XI-XII | अकरावी बारावीला आता इंग्रजीची सक्ती नाही; अभ्यासक्रम आराखडा जाहीर
पोलीसनामा ऑनलाईन – English Is No Compulsory In XI-XII | इंग्रजी न येणाऱ्या विद्यार्थ्यांना आता चिंता करण्याची करण्याची गरज नाही. कारण राज्याच्या नव्या अभ्यासक्रम आराखड्यातून इंग्रजीवरील सक्ती काढून टाकण्यात आली आहे. त्यामुळे आता अकरावी व बारावीच्या विद्यार्थ्यांना इंग्रजीची सक्ती नसणार हे स्पष्ट झाले आहे.
राष्ट्रीय शैक्षणिक धोरणाच्या (National Education Policy) अनुषंगाने राज्याचा अभ्यासक्रम आराखडा जाहीर करण्यात आला आहे. या आराखड्यामध्ये मातृभाषा आणि भारतीय भाषांना विशेष महत्त्व देण्यात आले आहे. तर, महत्त्वाचे म्हणजे, परदेशी भाषा शिक्षणाचे पर्याय विद्यार्थ्यांना उपलब्ध करून देण्यात यावेत, अशी सूचना या आराखड्याच्या माध्यमातून देण्यात आली आहे.
त्यामुळे आता विद्यार्थ्यांना दोन भारतीय भाषा, चार वैकल्पिक विषय आणि दोन अनिवार्य विषय असे एकूण आठ विषय निवडण्याची मुभा देण्यात आली आहे. तर, दोन भाषांशिवाय एक अधिकची भाषा वैकल्पिक विषय म्हणून निवडायची संधी असेल, असे या आराखड्यात नमूद करण्यात आले आहे.
वैकल्पिक भाषा निवडताना कला, विज्ञान, वाणिज्य अशा शाखांमधील विद्यार्थ्यांना साचेबद्ध बंधन नसेल.
त्यामुळे विद्यार्थ्यांना २६ भाषांमधून दोन विषय निवडावे लागतील.
त्यामध्ये मराठी, संस्कृत, हिंदी, गुजराती, उर्दू, कन्नड, तामिळ, तेलगू, मल्याळम, सिंधी, बंगाली, पंजाबी, पाली, अर्धमागधी,
प्राकृत, अवेस्ता , पहालवी या मूळ १७ भाषांचा समावेश करण्यात आला आहे. तर इंग्रजी, जर्मन, फ्रेंच, रशियन, जपानी, स्पॅनिश,
चायनीज, पर्शियन, अरेबिक या ०९ परदेशी भाषांचा समावेश करण्यात आला आहे.
Join our WhatsApp Group, Telegram, facebook page and Twitter for every update
हे देखील वाचा
Porsche Car Accident Pune | प्रसिद्धीच्या हेतूने अपघाताच्या घटनेवर रॅप सॉंग बनवल्याची कबुली
Maval Crime News | मावळात तळ्यात बुडून महाविद्यालयीन तरुणाचा मृत्यू