IRCTC च्या वेबसाइटवर बदलणार ‘तिकिट बुकिंग’ची पद्धत, ऑगस्ट महिन्यापासून होईल ‘लागू’, जाणून घ्या सर्वकाही
file photoनवी दिल्ली, वृत्तसंस्था : सध्याला देशात कमी ट्रेन धावत आहेत, परंतु भारतीय रेल्वे कोरोनानंतरच्या रेल्वे गाड्यांसंबंधी तयारी करत आहे. दुसरीकडे, ट्रेन तिकीट बुकिंग करणारी आयआरसीटीसी (IRCTC) ऑगस्टपासून रेल्वे प्रवाशांसाठी ऑनलाईन ट्रेन तिकिट आरक्षणाचा संपूर्ण नवीन अनुभव आणण्याच्या तयारीत आहे. कारण आयआरसीटीसी आपल्या वेबसाइटची श्रेणी बदलणार आहे आणि त्यामध्ये आर्टिफिशियल इंटेलिजन्स (Artificial Inteligence) ची मदत घेतली जाईल. वेबसाईट अपग्रेड करताना आयआरसीटीसी त्यात आणखी काही नवीन फिचर्स जोडणार आहे, ज्यामुळे तिकिट बुकिंग सुलभ होईल.
यापूर्वी 2018 मध्ये, आयआरसीटीसीने आपली वेबसाइट अपडेट केली आणि संपूर्णपणे नवीन रूपात सादर केली. ट्रेनच्या प्रवाशांनाही ते चांगलेच आवडले. वेबसाइट अपग्रेड करण्याबाबतची माहिती नुकतीच रेल्वे बोर्डाचे अध्यक्ष व्ही.के. यादव यांनी दिली होती आणि सांगितले की तिकीट बुकिंगची प्रक्रिया सुधारीत करुन सुलभ केली जाईल.
मिळतील हे नवीन फीचर
यादव म्हणाले होते की रेल्वे वेबसाइटमध्ये सुधारणा करून बरीच नवीन फीचर जोडली जातील. यात ट्रेन प्रवाशांना पर्सनलाइज्ड अनुभव मिळेल. वेबसाइटवर ट्रेनची तिकिटे काढण्याबरोबरच हॉटेल आणि मील बुकिंगही यात जोडले जाणार आहे. वेबसाइटचे नवीन रूप ऑगस्टमध्ये प्रसिद्ध होईल. वेबसाइटमध्ये केलेले बदल प्रवाशांसाठी खूप चांगले सिद्ध होतील. यासाठी SATSANG सॉफ्टवेअरची मदत घेतली जात आहे जेणेकरून झिरो आधारित वेळापत्रक तयार केले जाऊ शकेल.
कोरोना कालावधीनंतर रेल्वे कॉन्टॅक्टलेस सेवांच्या दिशेने वाटचाल करीत आहे. याच काळात क्यूआर कोड स्कॅन करून तिकिट तपासणी सुरू होईल. पायलट प्रोजेक्ट म्हणून तो यशस्वी झाला आहे. या व्यतिरिक्त, रेल्वे प्रवाशांना येत्या काही दिवसांत बरेच नवीन अनुभवही मिळणार आहेत जे रेल्वे प्रवासास पूर्णपणे बदलतील ज्यामध्ये कॉन्टॅक्टलेस ट्रेनचे डबेदेखील सामील आहेत.