मुंबई : पोलीसनामा ऑनलाइन – बॉलिवूड अभिनेत्री कंगना रनौत लवकरच तमिळनाडूच्या माजी मुख्यमंत्री जयललिता यांचा बायोपिक ‘थलाईवी’ तमिळ चित्रपटात दिसणार आहे. जयललिता यांच्या कथेवर आधारित हा चित्रपट आहे. चित्रपटात कंगना सर्व वयोगटातील जयललिता यांची भूमिका साकारताना दिसणार आहे. यातील एक टप्पा म्हणजे जयललिता यांचा चित्रपटांमधील अभिनय. नुकत्याच एका मुलाखतीत कंगनाने जयललिताचे कौतुक केले आणि म्हटले की त्या एक ग्लॅमरस स्टार आहे.
मुलाखतीत कंगना म्हणाली, ‘त्या माझ्यासारख्या नव्हत्या. त्या बॉलिवूडमधील ऐश्वर्या रायसारखे खूप ग्लॅमरस स्टार होत्या. या भूमिकेत येणे माझ्यासाठी एक मोठे आव्हान होते कारण मला ग्लॅमरसाठी ओळखले जात नाही. परंतु आपल्यात एक गोष्ट सामान्य आहे की तेसुद्धा त्यांच्या कामावर समाधानी नव्हते. माझ्या बाबतीतही तेच आहे.’
कंगनाने जयललिता आणि स्वत: अभिनयापासून इतर समानतेवर देखील चर्चा केली. कंगना म्हणाली की, ‘मला वाटतं, प्रत्येक महिलेप्रमाणेच त्यांनीही कुटूंब आणि मुलाचे स्वप्न पाहिले असेल. मला असे वाटते की, या गोष्टीचा फायदा काही विवाहित लोकांनी देखील घेतला असेल.’ चित्रपटात जयललिता यांचे एक दृश्य सांगताना कंगनाने अशा घटनेचा उल्लेख केला आहे. ती म्हणाले की, ‘चित्रपटात अशी काही दृश्ये आहेत ज्यात एक विवाहित अभिनेता त्यांच्याशी लग्न करण्याचे वचन देतो आणि नंतर दिलेले वचन मोडतो. त्यांना समाजाचा अपमान सहन करावा लागतो बर्‍याच तरूण अभिनेत्रींसोबत असे घडते.’
दिग्दर्शक ए.एल. विजय यांच्या दिग्दर्शनाखाली बनलेला ‘थलाईवी’ मध्ये कंगनाचा लूक जयललिता यांच्यासारखा ठेवण्यात आला आहे. कंगनाच्या ड्रेस अपवर बरीच कामे केली गेली आहे. हा चित्रपट 26 जून रोजी प्रदर्शित होणार आहे.