‘या’ 9 कारणांमुळे पिरियड येण्यास होऊ शकतो विलंब, जाणून घ्या

पोलीसनामा ऑनलाईन : बहुतेक स्त्रिया अशी तक्रार करतात की त्यांचा पिरीयड वेळेवर येत नाही. वेळेवर पिरियड न येण्याचे गर्भधारणा हे सर्वात सामान्य कारण आहे, परंतु आपण गर्भधारणेची योजना आखत नसल्यास आणि तरीही आपल्या पिरियड उशीर येत असतील तर बरीच कारणे असू शकतात. जाणून घेऊया या 9 कारणांबद्दल …

ताण-
तणावाचा परिणाम शरीरावर अनेक प्रकारे होतो. तणावमुळे GnRH नावाच्या संप्रेरकाची मात्रा कमी होते, ज्यामुळे ओव्हुलेशन किंवा पिरियड येत नाही. स्वत: ला रिलॅक्स ठेवा आणि नियमित पिरियड परत आणण्यासाठी आपल्या डॉक्टरांशी संपर्क साधा.

आजार –
अचानक ताप, सर्दी, खोकला किंवा दीर्घकाळापर्यंत आजारपणामुळे देखील पिरियड उशिरा येऊ शकतात. हे तात्पुरते होते आणि एकदा आपण आजारातून बरे झाल्यावर आपले पिरियड पुन्हा नियमित होतात.

नित्यक्रमात बदल –
वेळापत्रक बदलणे, रात्रीच्या शिफ्टमध्ये काम करणे, शहराच्या बाहेर येणे- जाणे किंवा लग्नाच्या वेळी किंवा घरात एखाद्या कार्यक्रमामुळे आपली दिनचर्या बदलते. जेव्हा शरीराला या नवीन शेड्यूलची सवय लागते किंवा जेव्हा आपण सामान्य रूटीनकडे परत येतो तेव्हा पिरियड देखील नियमित होतात.

स्तनपान –
अनेक स्त्रियांना तोपर्यंत वेळेवर पीरियडस येत नाही, जोपर्यंत ते मुलाला स्तनपान करणे बंद करत नाहीत

बर्थ कंट्रोल पिल्स –
बर्थ कंट्रोल पिल्स आणि काही इतर औषधे देखील पिरियड चक्र बदलतात. अशी औषधे घेतल्यावर एकतर पिरियड कमी येतात किंवा लवकर – लवकर येतात किंवा येणेच थांबते. अशा परिस्थितीत डॉक्टरांशी संपर्क साधा.

लठ्ठपणा-
लठ्ठपणामुळे देखील पिरियडला विलंब होऊ शकतो किंवा अनियमितता येऊ शकते. जरी, ही समस्या कमी वजनाच्या लोकांना देखील होते, परंतु लठ्ठपणा याला मुख्य कारण असू शकते.

प्री मेनोपॉज –
मेनोपॉजच्या आधी महिलांच्या शरीरात अनेक बदल होतात. यामुळे, पिरियड उशीरा किंवा वेळेआधी येऊ लागतात.

बारीक शरीरयष्टी-
जर आपल्या शरीरात पुरेसे फॅट नसले तरी पिरियड अनियमित येऊ शकतात. नियमित कालावधीसाठी निरोगी वजन आवश्यक आहे.

थायरॉईड-
गळ्यातील थायरॉईड ग्रंथी चयापचय नियंत्रित करते. शरीराच्या बर्‍याच फंक्शन्समध्येही याची भूमिका असते. आपल्याला थायरॉईड संबंधित कोणतीही समस्या असल्यास ते पिरियड देखील प्रभावित करते. आपल्याला थायरॉईडची समस्या असल्यास, पिरियड वेळेवर आणण्यासाठी डॉक्टरांशी संपर्क साधा.