Mumbai-Pune Expressway | मुंबई-पुणे द्रुतगतीमार्गावर भीषण अपघात, रोहयो मंत्री संदिपान भुमरेंच्या मावस भावाचा मृत्यू
पुणे : पोलीसनामा ऑनलाइन – औरंगाबाद जिल्ह्यातील पाचोड ग्रामपंचायतचे माजी सरपंच तथा रोहयो मंत्री संदिपान भुमरे (Minister Sandipan Bhumre) यांचे मावस भाऊ अंबादास नरवडे (Ambadas Narvade) यांचा अपघातात मृत्यू (Accidental Death) झाला आहे. मुंबई-पुणे द्रुतगती मार्गावरुन (Mumbai-Pune Expressway) प्रवास करत असताना त्यांच्या गाडीचा अपघात झाला. त्यात त्यांचा मृत्यू झाला तर दोन जण जखमी झाले आहे. हा अपघात पहाटे चारच्या सुमारास मुंबई-पुणे महामार्गावरील (Mumbai-Pune Expressway) कामशेतजवळ झाला.
अंबादास नरवडे हे आपल्या काही सहकाऱ्यांसह इनोव्हा गाडीतून मुंबईवरुन पुण्याच्या (Mumbai-Pune Expressway) दिशेने येत होते. पहाटे चारच्या सुमारास कामशेत जवळ इनोव्हा गाडी टेम्पोला मागून धडकली. त्यामुळे इनोव्हा डिव्हायडरवर आदळली. त्याचवेळी मागून आलेल्या एका चारचाकी वाहनाने आणि ट्रकने एकामागोमाग धडक दिली. अचानक झालेल्या या विचित्र अपघातामुळे नरवडे यांचा जागीच मृत्यू झाल्याचे वृत्त आहे.
अपघातात जखमी झालेल्यांवर तळेगाव दाभाडे (Talegaon Dabhade) येथील खासगी रुग्णालयात उपचार सुरु आहेत. त्यांची प्रकृती स्थिर असल्याचे सांगण्यात आले.
दरम्यान, या घटनेची माहिती मिळताच पोलिसांनी घटनास्थळी धाव घेऊन पंचनामा करुन तपास सुरु केला आहे.
अपघाताची माहिती मिळताच मंत्री संदिपान भुमरे यांनी घटनास्थळी धाव घेतली.
अंबादास नरवडे यांच्या अपघाती निधनाची माहिती मिळताच पैठण तालुक्यात हळहळ व्यक्त केली जात आहे.
Web Title :- Mumbai-Pune Expressway | minister sandipan bhumre cousin died in road accident at pune
Join our WhatsApp Group, Telegram, facebook page and Twitter for every update
- CM Eknath Shinde Group-BJP | राज्य सरकारच्या विविध समित्यांवरील नियुक्त्यांबाबत; शहर-जिल्हा भाजप आणि शिंदे गटाच्या पदाधिकार्यांची झाली गुप्त बैठक
- Pune NCP News | पाऊसाने च उघडकीस आणला भाजपचा नालेसफाई घोटाळा – राष्ट्रवादी काँग्रेस पार्टी