नवरात्रीत देवीच्या 9 रूपांना अर्पण करा ‘हे’ 9 नैवेद्यअन् मिळवा इच्छित फळ, जाणून घ्या

On Sep 25, 2019

पुणे : पोलीसनामा ऑनलाईन – नवरात्रोत्सवात देवीची उपासना खूप महत्वाची मानली जाते. हिंदू धर्माच्या अनुसार, या नऊ दिवसांत उपवास ठेवणार्‍याला विशेष फळ प्राप्त होते. 9 दिवसांचे व्रत पाळणारे भक्त या नऊ दिवसात आईच्या नऊ रूपांना त्यांची आवडचा नैवेद्य देतात. असे मानले जाते की असे केल्याने देवी प्रसन्न होते आणि भक्तांच्या सर्व इच्छा पूर्ण करते. जाणून घेऊयात देवीच्या कोणत्या रूपाला कोणता नैवेद्य (भोग) दाखवला जातो.

1) शैलपुत्री देवी -घी
शैलपुत्री देवीला पांढर्‍या वस्तू अर्पण केल्या जातात. आईचे भक्त या दिवशी पिवळे वस्त्र परिधान करून तूप चढवतात. या दिवशी देवीच्या चरणी गायीचे शुद्ध तूप अर्पण केल्यास त्या व्यक्तीला सर्व प्रकारच्या आजारांपासून मुक्ती मिळते.

2) ब्रह्मचारिणी देवी -साखर
नवरात्रीच्या दुसर्‍या दिवशी तिचे भक्त ब्रह्मचारिणी देवीला हिरवे कपडे परिधान करून साखरेचा नैवेद्य दाखवतात. या दिवशी देवीला खडीसाखर, साखर आणि पंचामृत अर्पण करतात. असे मानतात की या दिवशी या विशेष गोष्टींचे दान केल्यास दीर्घायुष्य प्राप्त होते असे मानले जाते.

3) चंद्रघंटा देवी -खीर
चंद्रघंटा देवीला दूध आणि त्यापासून बनवलेल्या वस्तू अर्पण केल्या जातात. असे मानले जाते की या गोष्टी दान केल्याने चंद्रघंटा देवी प्रसन्न होते आणि व्यक्तीचे सर्व दुःख नष्ट करते.

4) कुष्मांडा देवी -मालपुआ
नवरात्रीच्या चौथ्या दिवशी कुष्मांडा देवीला मालपुआ अर्पण केला जातो. या दिवशी मातेचे भक्त भगवे वस्त्र परिधान करतात आणि कुष्मांडा देवीची पूजा करतात. या दिवशी मालपुआपासून तयार केलेला प्रसाद ब्राह्मणाला दान केल्याने बुद्धिमत्ता विकसित होते.

5) स्कंदमाता देवी -केळी
नवरात्रीच्या पाचव्या दिवशी स्कंदमाता देवीची पूजा केली जाते. या दिवशी तेजस्वी वस्त्र परिधान करुनदेवीला केळी अर्पण केल्यानंतर हा प्रसाद ब्राम्हणाला द्यावा. असे केल्याने बुद्धी प्राप्त होते.

6) कात्यायनी देवी -मध
सहाव्या दिवशी भक्त लाल वस्त्र घालून कात्यायनी देवीला मध अर्पण करतात. यामुळे साधकाला एक सुंदर रूप प्राप्त होते असे मानले जाते.

7) कालरात्री देवी – गूळ
नवरात्रीच्या सातव्या दिवशी कालरात्री देवीची पूजा केली जाते. या दिवशी मातेचे भक्त देवीला निळे वस्त्र परिधान करून गुळ अर्पण करतात. असे म्हणतात की या दिवशी भगवतीला गूळ अर्पण केल्याने व्यक्तीचे दुःख दूर होते.

8) महागौरी देवी – नारळ
नवरात्रीच्या आठव्या दिवशी महागौरी देवीची पूजा केली जाते. या दिवशी भक्त देवीला गुलाबी वस्त्र परिधान करून नारळ अर्पण करतात. असे म्हणतात की नारळ अर्पण केल्यावर नारळ डोक्यावरून फिरवा आणि ते वाहत्या पाण्यात सोडल्याने मनातील इच्छा पूर्ण होतात.

9) सिद्धिदात्री देवी-तीळ
नवरात्रीच्या शेवटच्या दिवशी सिद्धिदात्री देवीची पूजा केली जाते. या दिवशी आईचे भक्त जांभळे कपडे घालतात आणि हलवा, हरभरा, खीर, पूरीचा नैवेद्य देवीला दाखवतात आणि मग आणि मग तो गरीबांना दान देतात. यामुळे आयुष्यात सुख आणि शांती मिळते.

Visit : policenama.com