Nitin Gadkari | गडकरींनी काढली परखड शब्दांत खरडपट्टी, म्हणाले – ‘आमदार, खासदार, अधिकार्‍यांकडून विकासकामांत अडथळा’
file photoनागपूर : पोलीसनामा ऑनलाइन – महाराष्ट्रातील अनेक आमदार, खासदार आपला प्रभाव वापरून विकासकामे थांबवतात. तर कार्यालयामध्ये भ्रष्टाचाराशिवाय (Corruption) फाइल पुढे सरकत नाही. अशा अधिकार्‍यांची ओळख पटवून त्यांना निलंबित (Suspended ) करण्यात आले पाहिजे, अशा शब्दात केंद्रीय दळणवळण मंत्री नितीन गडकरी (Nitin Gadkari) यांनी लोकप्रतिनिधी आणि सरकारी अधिकार्‍यांची खरडपट्टी काढली. नितीन गडकरी (Nitin Gadkari) चिटणीस सेंटर येथे ‘वेद’तर्फे आयोजित ‘मिन्कॉन’ (Mincon) या खाण प्रदर्शन आणि संमेलनाच्या उद्घाटन समारंभात बोलत होते.
नितीन गडकरी (Nitin Gadkari) म्हणाले, माझ्या घरासमोर बांधलेल्या रस्त्यासाठी मी 11 वर्षांत 30 बैठका घेतल्या. मात्र अधिकारी आले तर लाज वाटते, अशी परिस्थिती निर्माण झाली होती. अखेर न्यायालयाच्या निर्णयानंतर (Court Decision) न्याय मिळाला. अधिकार्‍यांना पत्नीपेक्षा फाइल जास्त आवडते. फायली अशाच राहतात. परिस्थिती नियंत्रणात ठेवण्यासाठी त्यांच्या कामगिरीचे ऑडिट व्हायला हवे.
वेकोलिच्या अधिकार्‍यांना सुनावताना गडकरी म्हणाले, पाच नवीन कोळसा खाणी बांधल्या जात असल्याचे अनेक वर्षांपासून ऐकत आहोत; परंतु आजपर्यंत तसे झालेले नाही. अधिकार्‍यांची भूमिका नकारात्मक आहे. त्यामुळे अनेक कोळसा खाणींचा लिलाव झाला; पण भूसंपादन होऊ शकले नाही. ब्लॅकमेलिंग देखील होत आहे. खाण कंपन्यांना परवानगी देण्यासाठी कालमर्यादा असावी. सध्या या कामात दिरंगाई आणि भ्रष्टाचार होत आहे. हा कार्यक्रम फोटो काढण्यासाठी नसावा, असा टोला गडकरी यांनी आयोजकांना सुद्धा लगावला.
गडकरी म्हणाले, ताडोबात वाघ आहेत. मात्र त्यामुळे उमरेडची मुरपार खाण बंद आहे. हा एक विचित्र निर्णय आहे.
मुरपार मध्ये क्वचितच वाघ आला असेल.
विकासकामे आणि उद्योग उभारणीत वन व पर्यावरण परवानगी मिळण्यात मोठी अडचण होते.
वेकोलिने घोषित केलेल्या कॅलोरीफिक व्हॅल्यू (Calorific value) कोळशात आढळल्यास ते शिक्षा भोगण्यास तयार आहेत.
विजेशिवाय उद्योग नाही, उद्योगा शिवाय विकास नाही.
अशा परिस्थितीत हरित ऊर्जा आवश्यक आहे. स्वावलंबी भारतासाठी कोळशाचे उत्पादन वाढवावे लागेल.
खनिजे कोळसा आयात करतात, मग भारत स्वावलंबी कसा होईल.
लोक लोकप्रतिनिधींना कामाबद्दल विचारतील, अधिकार्‍यांना नाही.
Web Title :- Nitin Gadkari | obstruction of development work by mlas mps and officials nitin gadkari scolded
Join our WhatsApp Group, Telegram, facebook page and Twitter for every update