पाकिस्तानचे PM इमरान खान यांची घोषणा, महिलांवर अत्याचार करणार्‍यांना भर चौकात लटकवा किंवा नपुंसक बनवा
file photoनवी दिल्ली : वृत्तसंस्था – पाकिस्तानमध्ये परदेशी महिलेवर बलात्काराच्या घटनेनंतर टीकेला सामोरं जाणारे पाकिस्तानचे पंतप्रधान इम्रान खान यांनी एक मोठे विधान केले आहे. त्यांनी आरोपीला जाहीरपणे फासावर लटकवण्यास किंवा इंजेक्शनद्वारे केमिकल कॅस्ट्रक्शन करण्यास पाठिंबा दर्शविला आहे. मुलांसमोर फ्रेंच वंशाच्या महिलेवर सामूहिक बलात्काराच्या घटनेनंतर पाकिस्तानमध्ये प्रचंड विरोध झाला.
इम्रान खान म्हणाले की, बलात्काराचा गुन्हा करणाऱ्यांना शिक्षा झाली पाहिजे जे इतरांसाठी धडा आहे. माझ्या मते, त्यांना चौकात फाशी देण्यात यावी, जेणेकरून भय निर्माण होईल आणि असे गुन्हे थांबतील. ते म्हणाले की ज्याप्रमाणे गुन्हे फर्स्ट डिग्री, सेकंड डिग्री आणि थर्ड डिग्री मध्ये विभागले जातात तसेच बलात्काराच्या घटनाही अशा प्रकारे विभागल्या गेल्या पाहिजे. याअंतर्गत फर्स्ट डिग्री गुन्हेगांना नपुंसक बनवण्यात यावे. जेणेकरुन ते पुन्हा कधीही असे कृत्य करू शकणार नाहीत.
पाकिस्तानमधील फ्रेंच वंशाच्या महिलेवर बलात्कार केल्याप्रकरणी 23 वर्षीय मुख्य आरोपी शफकत अलीला अटक करण्यात आली आहे. त्याने आपला गुन्हा कबूल केला आहे. ही घटना तिच्या तीन मुलांसह महामार्गालगतच्या महिलेसमोर घडवून आणली गेली, त्या विरोधात पाकिस्तानमधील लोक संतप्त झाले. लाहोर तसेच कराची, इस्लामाबाद, पेशावर आणि पाकिस्तानच्या इतर अनेक शहरांमध्ये निदर्शने झाली आणि लोकांनी दोषींना शिक्षा करावी आणि महिलांची सुरक्षा सुनिश्चित करावी अशी मागणी इम्रान सरकारकडे केली.
पीडित महिलेने सांगितले होते की तिची कार लाहोर-सियालकोट महामार्गावर खराब झाली होती. ती मदतीची वाट पाहत होती. त्याचवेळी बंदुकीचा धाक दाखवत दोन दरोडेखोरांनी तिच्यावर बलात्कार केला. ही घटना घडताच संपूर्ण पाकिस्तानमध्ये संताप पसरला. आरोपींना त्वरित अटक करण्यात यावी आणि त्या महिलेला न्याय मिळावा या मागणीसाठी लोक रस्त्यावर उतरले आहेत.