Pune Market Yard Crime | पुणे : शाळकरी मुलीचा पाठलाग, भररस्त्यात अडवून गैरवर्तन
पुणे : पोलीसनामा ऑनलाइन – Pune Market Yard Crime | शिक्षणाचे माहेर घर समजल्या जाणाऱ्या पुणे शहरात महिलांच्या सुरक्षेचा प्रश्न गंभीर झाला आहे. कॉलेज, ट्युशनला जाणाऱ्या मुलींना भररस्त्यात अडवून त्यांच्यासोबत गैरवर्तन (Obscene Act) करण्याचे प्रकार वाढू लागले आहेत. अशीच एक घटना मार्केट यार्ड पोलीस स्टेशनच्या (Market Yard Police Station) हद्दीत घडली आहे. शाळेत जाणाऱ्या अल्पवयीन मुलीला 35 वर्षाच्या व्यक्तीने भररस्त्यात अडवून तिचा शाळेचा गणवेश फाडून गैरवर्तन केल्याचा प्रकार समोर आला आहे. याप्रकरणी मार्केट यार्ड पोलिसांनी आरोपीवर पोक्सो कायद्यांतर्गत (POCSO Act) गुन्हा दाखल केला आहे. हा प्रकार गुरुवारी (दि.21) सकाळी साडे अकराच्या सुमारास मार्केट यार्ड परिसरातील एका सोसायटीजवळ घडला आहे. (Pune Market Yard Crime)
याबाबत पीडित मुलीच्या 30 वर्षीय आईने मार्केट यार्ड पोलीस ठाण्यात फिर्याद दिली आहे. यावरुन शंकर मोहन पुटगे
(वय-35 रा. मार्केट यार्ड, पुणे) याच्यावर आयपीसी 354, 354(ड), पोक्सो अॅक्ट कलम 11 व 12 नुसार गुन्हा दाखल
केला आहे. पोलिसांनी दिलेल्या माहितीनुसार, फिर्यादी यांची अल्पवयीन मुलगी गुरुवारी सकाळी साडे अकराच्या
सुमारास रस्त्याने पायी शाळेत जात होती. त्यावेळी आरोपीने तिचा पाठलाग केला.
आरोपी शंकर याने मुलीच्या पाठीवर असलेली स्कूल बॅक ओढून तिला जवळ ओढले.
त्यावेळी मुलीने त्याला ढकलले असता तिच्या अंगावरील गणवेश फाटल्याने तिच्या स्त्री मनास लज्जा उत्पन्न झाली.
आरोपीने तिचा हात पकडून मला तुझ्यासोबत बोलायचे आहे, तुझ्यासोबत मैत्री करायची आहे असे म्हटले.
मुलीने आरोपीचा हात झटकला असता शंकर याने मुलीला फिरायाला जाऊन असे म्हणत गैरवर्तन केले.
तसेच याबाबत कोणाला काही सांगू नको असे म्हणून आरोपी तेथून पळून गेल्याचे फिर्यादीत नमूद केले आहे.
पुढील तपास पोलीस करीत आहेत.
Join our WhatsApp Group, Telegram, facebook page and Twitter for every update
हे देखील वाचा
Pimpri Murder Case | पिंपरी : मोबाईल चोरल्याच्या संशयावरुन बेदम मारहाण करुन खून