Atal Pension Yojana-APY | मोदी सरकारच्या ‘या’ सुपरहिट स्कीममध्ये वृद्धापकाळ जाईल आनंदात, दरमहिना मिळतील 5,000 रुपये, जाणून घ्या कसा घ्यावा लाभ
file photoनवी दिल्ली : वृत्तसंस्था – Atal Pension Yojana-APY | वृद्धापकाळाच्या खर्चाची चिंता नको असेल तर सेवानिवृत्ती योजना आवश्यक आहे. मात्र, तुमची ठेव चांगल्या आणि सुरक्षित फंडात गुंतवा. सरकारची अटल पेन्शन योजना (Atal Pension Yojana-APY) हा असाच एक उत्तम पर्याय आहे. पेन्शन नियामक PFRDA अटल पेन्शन योजना (APY) चालवते. ही योजना 2015 मध्ये सुरू करण्यात आली होती. मात्र, त्यावेळी ही योजना असंघटित क्षेत्रात काम करणार्‍या लोकांसाठी सुरू करण्यात आली होती. पण आता 18 ते 40 वयोगटातील कोणत्याही देशातील नागरिक या योजनेचा भाग बनू शकतात.
तुम्ही दरमहा थोडी रक्कम जमा करून वृद्धापकाळात रु. 1000 ते रु. 5000 पर्यंत मासिक पेन्शन मिळवू शकता. केंद्र सरकारची सामाजिक सुरक्षा योजना अटल पेन्शन योजना अल्पावधीतच खूप लोकप्रिय झाली आहे. या योजनेत किमान 20 वर्षे मासिक पैसे जमा करणे आवश्यक आहे. दरमहा किती योगदान द्यावे लागेल, हे तुमच्या वयावर अवलंबून आहे. (Atal Pension Yojana-APY)
किती करावी लागेल गुंतवणूक
18 व्या वर्षी, तुम्हाला 5000 मासिक कमाल पेन्शन मर्यादेसाठी दरमहा 210 रुपये योगदान द्यावे लागेल. वयाच्या 25 व्या वर्षी सामील झाल्यावर 376 रुपये दरमहा, तर 30 वर्षांसाठी हे योगदान 577 रुपये, 35 वर्षांसाठी 902 रुपये आणि 39 वर्षांसाठी 1318 रुपये जमा करावे लागतील. जर पती-पत्नी दोघांची खाती उघडली असतील तर त्यांना हे योगदान वेगवेगळे भरावे लागेल. या योजनेत गुंतवणूक केल्यानंतर तुम्हाला वयाच्या 60 वर्षांनंतर दरमहा 5000 रुपये पेन्शन मिळेल.
काय आहे विशेष ?
पेमेंटसाठी 3 पर्याय आहेत. तुम्ही Monthly, Quarterly or Half Yearly रक्कम जमा करू शकता.
अटल पेन्शन योजनेत गुंतवणूक करणार्‍यांना 1.5 लाख रुपयांपर्यंत कर लाभ (Tax Benefit) मिळतो.
सदस्याच्या नावाने एकच खाते उघडता येते.
जर सदस्याचा मृत्यू 60 वर्षापूर्वी किंवा नंतर झाला असेल तर पेन्शनची रक्कम पत्नीला दिली जाईल.
जर पती-पत्नी दोघांचा मृत्यू झाला, तर सरकार नॉमिनीला पेन्शन देईल.
Web Title : –Atal Pension Yojana-APY | atal pension yojana is best retirement investment plan will get rs 5000 pension per month know how
Join our WhatsApp Group, Telegram, facebook page and Twitter for every update