Covid-19 Treatment : शास्त्रज्ञांचा दावा, ‘स्टेरॉयड’ वाचवू शकते ‘कोरोना’च्या गंभीर रूग्णाचा जीव, किंमत 10 रुपयांपेक्षा कमी
नवी दिल्ली : कोरोना व्हायरसच्या उपचारासाठी अनेक वॅक्सीनची ट्रायल अंतिम टप्प्यात आहे आणि आशा आहे की, पुढील वर्षापर्यंत याच्यावर वॅक्सीन बाजारात येऊ शकते. सध्या कोरोना रूग्णांवर वेगवेगळ्या रोगांवर वापरण्यात येणारी औषधे अजमावून पाहिली जात आहेत. यादरम्यान वृत्त आहे की, स्वस्त आणि व्यापक प्रमाणात उपलब्ध स्टेरॉइड औषध गंभीर दृष्ट्या आजारी कोविड-19 रूग्णांना वाचवण्यासाठी मदत करत आहे.
स्टेरॉयडमध्ये उपचाराची क्षमता
फर्स्टपोस्टच्या रिपोर्टनुसार, हे संशोधन इंटरनॅशनल क्लिनिकल ट्रायलमध्ये प्रकाशित झाले आहे. जामाचे व्यवस्थापकीय संपादक डॉ. हावर्ड सी बाउचर यांनी म्हटले की, आता हे स्पष्ट झाले आहे की, स्टेरॉइडमध्ये उपचार क्षमता आहे.
नव्या पुराव्यांच्या आधारावर, जागतिक आरोग्य संघटनेने कोरोना व्हायरसच्या उपचारासाठी नवे दिशा-निर्देश जारी केले आहेत आणि गंभीर आजारी रूग्णांच्या उपचारासाठी स्टेरॉइडची शिफारस केली आहे, परंतु हलकी लक्षणे असणार्‍यांसाठी नाही.
मृत्युचा धोका कमी करण्यासाठी सहायक
या अभ्यासात 1,700 पेक्षा जास्त रूग्णांना सहभागी करण्यात आले होते आणि संशोधकांनी निष्कर्ष काढला की, तीन औषधांपैकी प्रत्येकाने मृत्युचा धोका कमी केला.
संशोधकांनी म्हटले की, गंभीर आजारी रूग्णांसाठी कॉर्टिकोस्टेरॉइड्स आता पहिल्या टप्प्याचा उपचार आहे. गंभीर आजारी रूग्णांमध्ये सर्वात प्रभावी औषध रेमेडिसविर आहे.
कोणते औषध जास्त प्रभावित
डेक्सामेथासोन, हायड्रोकार्टिसोन आणि मिथाइलप्रेडिसोलोन सारखी स्टेरॉइड ही शरीराची रोगप्रतिकारशक्ती वाढवणे, सूज आणि वेदना कमी करण्यासाठी ओळखली जातात. अनेक रूग्ण कोविड-19 मुळे नव्हे, तर शरीर संसर्गाने मरण पावतात.
जूनमध्ये ऑक्सफोर्ड युनिव्हर्सिटीच्या संशोधकांना आढळले की, डेक्सामेथासोनच्या वापराने गंभीर आजारी रूग्णांमध्ये जिवंत राहण्याच्या दरात सुधारणा केली आहे. संशोधकांना आशा होती की अन्य स्वस्त स्टेरॉइड या रूग्णांची मदत करू शकतात.