राजधानी दिल्लीसह संपूर्ण देशामध्ये 15 आॅगस्ट रोजी साजरा होणाऱ्या स्वतंत्र्य दिनाची जय्यत तयारी सुरू झाली आहे. या पार्श्वभूमीवर दिल्लीसह सर्वच राज्यांना इशारा देण्यात आला असून, अनेक महत्वाच्या ठिकाणी पोलिसांचा तैनात करण्यात आला आहे. अशातच दिल्लीला हादरवण्याचा प्रयत्न पोलिसांनी हाणून पाडला आहे.
दिल्ली पोलिसांनी कारवाई करत हत्यारांसह दोन जणांना अटक केली आहे. त्यांच्याकडून मोठ्याप्रमाणात दारुगोळा देखील हस्तगत करण्यात आला आहे. महम्मद अजिम आणि आस मोहम्मद असं या दोन आरोपींची नावे आहेत. यावेळी पोलिसांनी दोन कार्बाइन,50 पिस्तूल आणि 50 काडतूसं असा शस्त्रसाठा जप्त केला आहे. मागील 4 दिवसापूर्वीच दिल्ली पोलिसांनी भारतात हल्ला करण्याच्या उद्देशाने आलेल्या लश्कर-ए-तैयबाच्या दहशतवाद्याला अटक केली होती. जम्मूच्या गांधी नगर भागातून या दहशतवाद्याला अटक करण्यात आली होती. याच्याकडून देखील मोठा दारूसाठा जप्त केला होता.