Devendra Fadnavis | ‘दारू दुकानात मंदिरापेक्षा जास्त गर्दी, मग मंदिरे बंद का? (व्हिडीओ)
पंढरपूर : पोलीसनामा ऑनलाइन – विधानसभेचे विरोधी पक्षनेते देवेंद्र फडणवीस (Devendra Fadnavis) हे आज (मंगळवारी) पंढरपूरला (Pandharpur) दौऱ्यावर होते. आज माजी दिवंगत आमदार सुधाकर परिचारक (Sudhakar Paricharak) यांच्या प्रथम पुण्यस्मरण कार्यक्रमात फडणवीस आले होते. त्यांनतर त्यांनी माध्यमांशी संवाद साधला. दरम्यान देवेंद्र फडणवीस (Devendra Fadnavis) यांनी महाविकास आघाडी सरकारवर जोरदार निशाणा साधला आहे. ‘जेवढी गर्दी बारमध्ये होते, त्यापेक्षा कमी गर्दी मंदिरात होते. सोशल डिस्टन्स ठेवून मंदिरे उघडण्यास काय हरकत आहे, अशी टीका फडणवीस यांनी केली आहे.
मॉल, बारमध्ये जितकी गर्दी होते, त्यापेक्षा कमी गर्दी ही मंदिरात होते. दारूची दुकानंही सुरू आहेत. खरे तर सामाजिक अंतराचे निकष पाळून मंदिरं सुरू करण्याचा निर्णय राज्य सरकारने तातडीने घेतला पाहिजे. अनेक गरिबांची उपजिविका त्यावर आहे. माध्यमांशी संवाद… pic.twitter.com/cUQMxfXhDX
— Devendra Fadnavis (@Dev_Fadnavis) August 17, 2021
देवेंद्र फडणवीस म्हणाले की, ‘आम्हा हिंदूंचे तेहतीस कोटी देव आहेत, आम्हाला कुठेही देव भेटतो. परंतु, अनेक गरीब लोकांची उपजीविका मंदिरावर अवलंबून आहे. हारवाला ते पुजारी असंख्य गरीब नागरिकांची उपजीविका मंदिरावर अवलंबून आहे. त्यांच्यासाठी मंदिरं उघडा, मंदिरे बंद ठेवणे ही सरकारची चूक आहे. तुम्ही दारूची दुकाने उघडी ठेवता. परंतु, मंदिरे बंद ठेवता, असं फडणवीस (Devendra Fadnavis) यांनी ठाकरे सरकारवर (Thackeray government) जोरदार निशाणा साधला आहे.
पुढे बोलताना फडणवीस म्हणाले की, ‘शाळांच्या बाबतीत ठाकरे सरकार (Thackeray government) गोंधळलेल्या अवस्थेत असल्याचा फटका विद्यार्थी आणि पालकांना बसत आहे.
शाळेबाबत धरसोड धोरण न ठेवता एक निश्चित धोरण राबविल्यास पालक आणि विद्यार्थी संभ्रमात राहणार नाहीत,
असा टोला देखील देवेंद्र फडणवीस (Devendra Fadnavis) यांनी राज्य सरकारवर लगावला आहे.
या दरम्यान, खासदार रणजित निंबाळकर, खासदार जयसिद्धेश्वर स्वामी, आमदार प्रशांत परिचारक, समाधान आवताडे, आमदार रणजितसिंह मोहिते पाटील, आमदार विजय देशमुख, आमदार राहुल कुल, आमदार सचिन कल्याणशेट्टी, आमदार राम सातपुते आणि आमदार गोपीचंद पडळकर आदी उपस्थित होते.
Web Title :- Devendra Fadnavis | why temples closed devendra fadnavis on thackeray government
Join our WhatsApp Group, Telegram, facebook page and Twitter for every update