पुणे : पोलीसनामा ऑनलाइन
ससून हॉस्पिटलचे अधिष्ठाता डॉ. अजय चंदनवाले यांचे प्रमाणपत्र बोगस असल्याचा आरोप करून त्यांच्या तोंडाला काळे फासण्याची धमकी भूमाता ब्रिगेडच्या अध्यक्ष तृप्ती देसाई यांनी दिली होती. त्यांनी केलेल्या बदनामीप्रकरणी डॉ. चंदनवाले यांनी त्यांच्याविरोधात जिल्हा सत्र न्यायालयात एक कोटी रुपयांचा दावा दाखल केला आहे. या प्रकरणी बंडगार्डन पोलिसांनी देसाई यांना प्रतिबंधात्मक कारवाई म्हणून ताब्यात घेऊन समज देऊन सोडले.
[amazon_link asins=’B076H74F8N’ template=’ProductCarousel’ store=’policenama-100′ marketplace=’IN’ link_id=’5189be42-8699-11e8-a5c2-4b6d0abb87f3′]
देसाई यांनी गेल्या आठवड्यात पत्रकार परिषदेत डॉ. चंदनवाले यांच्या पात्रतेचा मुद्दा उपस्थित केला होता. चंदनवाले यांचे अपंगत्वाचे प्रमाणपत्र बोगस आहे. प्रमाणपत्राच्या आधारे ते बेकायदा सात वर्षे अधिष्ठातापदी कार्यरत आहेत. या प्रकऱणाची मुख्यमंत्र्यांनी चौकशी करून डॉ. चंदनवाले यांची हकालपट्टी करावी. तसे न झाल्यास कार्यालयात घुसून काळे फासवण्यात येईल, असा इशाराही त्यांनी दिला होता.
आपले अपंगत्वाचे प्रमाणपत्र हायकोर्टासह ‘मेडिकल कौन्सिल ऑफ इंडिया’ने ग्राह्य धरले आहे. त्याचे पुरावेही आहेत. त्यामुळे पुरावे असतानाही बदनामी केल्याप्रकरणी जिल्हा सत्र न्यायालयात देसाई यांच्याविरोधात एक कोटी रुपयांचा बदनामीचा दावा दाखल केला आहे, अशी माहिती डॉ. अजय चंदनवाले यांनी दिली. तसेच, बंडगार्डन पोलिस ठाण्यात देसाई यांच्याविरोधात प्रतिबंधक कारवाई म्हणून तक्रारही केली आहे. त्याबाबत वैद्यकीय शिक्षण सचिव आणि वैद्यकीय शिक्षण संचालकांना माहिती देण्यात आली आहे, असेही ते म्हणाले.