एका वृत्तसंस्थेने दिलेल्या माहितीनुसार , मुख्यालयाच्या कॅम्पस कॅम्पस परिसरात बाँम्बच्या अफवेमुळे काही इमारती खाली करण्यात आल्या आहेत तसेच परिसरात बॉम्ब शोधक पथक परिसरात दाखल झाले आहे. फेसबुक मुख्यालयाच्या कॅम्पस परिसरातील सर्वजण सुरक्षित असल्याची माहिती फेसबुक प्रवक्त्याने दिली आहे.
डेटा लीक प्रकरण –
जून्या मित्रमैत्रणींना शोधण्यापासून ते नवनविन मित्रमैत्रणी जोडण्यासाठी फेसबुक एक चांगले आणि प्रभावी माध्यम आहे. मात्र काही महिन्यांपूर्वी डेटा चोरी प्रकरणी फेसबुकची जगभरात नाचक्की झाली होती. मार्क झुकरबर्गला जाहीर माफीही मागावी लागली होती.
पण डेटा लीक प्रकरणामुळे फेसबुकवर सध्या वाईट दिवस आलेत असे म्हणावे लागेल . केंब्रिज अॅनालिटीकाच्या डेटा चोरी प्रकरणानंतर फेसबुक चांगलंच वादात सापडलं होते. हे प्रकरण शांत होते ना होते तोच फेसबुकसमोर आणखी एक मोठी अडचण उभी राहिली. फेसबुकच्या २ कोटी ९० लाख युजर्सचा डेटा हॅकर्सने चोरल्याची माहिती समोर आली होती. सप्टेंबरच्या शेवटच्या आठवड्यातही ५ कोटी अकाऊंटसची माहिती लीक झाली होती.