भारतात ‘भ्रष्टाचार’ कमी होण्याचे संकेत, ‘करप्शन परसेप्शन इंडेक्स’मध्ये भारत 80 व्या क्रमांकावरून 86 व्या क्रमांकावर

नवी दिल्ली : वृत्तसंस्था – करप्शन परसेप्शन इंडेक्स ( CPI) मध्ये भारत 6 स्थानांनी घसरून 86 व्या क्रमांकावर आला आहे. गुरुवारी 2020 वर्षातील ट्रान्सपेरेंसी इंटरनॅशनलचा (TI) करप्शन परसेपशन इंडेक्स जारी करण्यात आला. ज्यामध्ये ही माहिती समोर आली आहे. यापूर्वी 2019 मध्ये जाहीर झालेल्या क्रमवारीत भारत 80 व्या क्रमांकावर होता. अहवालात म्हंटले आहे कि, भ्रष्टाचार निर्देशांकात भारत अजूनही खूप मागे आहे.

180 देशांचे होते रँकिंग
करप्शन परसेप्शन इंडेक्समध्ये 180 देशांमध्ये सार्वजनिक क्षेत्रात भ्रष्टाचाराच्या स्तरावर आधारित रँक जारी केले जाते. यात शून्य ते 100 पर्यंतचा स्केल वापरला जातो. शून्य स्कोअर असलेला देश सर्वात भ्रष्ट मानला जातो आणि 100 स्कोर असलेला देश सर्वात स्वच्छ मानला जातो. भारताचा स्कोर 40 आहे आणि 180 देशांपैकी 86 क्रमांकावर आहे. 2019 मध्ये भारताचा स्कोर 41 होता आणि 80 व्या स्थानावर होता. या क्रमवारीत चीन 78 व्या, पाकिस्तान 124 व्या आणि नेपाळ 117 व्या क्रमांकावर आहे. ट्रान्सपेरेंसी इंटरनॅशनलच्या सर्वेक्षणानुसार दोन तृतीयांश देशांनी 100 पैकी 50 पेक्षा कमी अंक मिळविले आहेत आणि सरासरीने अंक 43 राहिला.

करप्शन परसेप्शन इंडेक्समध्ये कोविड-19 वर जोर
यावर्षी करप्शन परसेप्शन इंडेक्समध्ये ट्रान्सपेरेंसी इंटरनेशनलच्या प्रमाणात कोविड – 19 साथीच्या रोगा दरम्यान झालेल्या भ्रष्टाचारावर भर देण्यात आला. संघटनेच्या अहवालात असे दिसून आले आहे की, ज्या देशांमध्ये भ्रष्टाचार कमी आहे, ते कोरोना व्हायरस आणि आर्थिक आव्हानांना सामोरे जाण्यात सर्वात चांगले आहेत. त्याच वेळी, ज्या देशांमध्ये भ्रष्टाचार खूप जास्त आहे ते कोरोना विषाणूचा सामना करण्यास कमी सक्षम होते. ट्रान्सपेरेंसी इंटरनॅशनलच्या अध्यक्षा डिलिया फेरेरिया रुबिओ यांच्या म्हणण्यानुसार, “कोरोना साथीचे रोग हे केवळ आरोग्य आणि आर्थिक संकटच नाही तर भ्रष्टाचाराचे संकट देखील आहे, आम्ही ते हाताळण्यात अपयशी ठरत आहोत.”

न्यूझीलंड आणि डेन्मार्कमध्ये भ्रष्टाचार सर्वात कमी
यावर्षी सर्वात कमी भ्रष्टाचाराच्या प्रकरणात न्यूझीलंड आणि डेन्मार्क प्रथम क्रमांकावर आहेत. या दोघांनी 100 पैकी 88 स्कोर केला. यानंतर सिंगापूर, स्वित्झर्लंड, फिनलँड आणि स्वीडन यांनी 85 गुण मिळवले आहेत. त्याचबरोबर नॉर्वेला 84, नेदरलँडला 82, जर्मनी आणि लक्झेंबर्गला 80 गुण मिळाले. हे सर्व देश पहिल्या दहामध्ये आहेत. निर्देशांकानुसार, सोमालिया आणि दक्षिण सुदानमधील भ्रष्टाचाराची परिस्थिती अत्यंत वाईट आहे. दोन्ही देश 12 गुणांसह 179 व्या क्रमांकावर आहेत.