पोलीसनामा ऑनलाइन टीम – व्हायरल ताप असो किंवा इतर कोणताही ताप, हे सर्व व्हायरल इन्फेक्शनमुळे होते. व्हायरस लहान जंतू असतात जे एका माणसाकडून दुसऱ्या माणसाकडे पसरतात. जेव्हा आपण व्हायरल संसर्गाच्या संपर्कात येतात, तेव्हा आपल्याला सर्दी आणि फ्लू होतो आणि आपली रोगप्रतिकार शक्ती कमकुवत होते. यामुळे, आपल्या शरीराचे तापमान अचानक वाढू लागते. बहुतेक लोकांच्या शरीराचे सामान्य तापमान 98.6 डिग्री फॅरेनहाइट किंवा 37 डिग्री सेल्सिअस पर्यंत असू शकते. यात एक डिग्री देखील वाढ झाली ते तर तापाच्या श्रेणीत येते. बॅक्टेरियल इन्फेक्शनसारख्या व्हायरलमुळे होणाऱ्या आजारामध्ये अँटीबायोटिक औषधे काम करत नाहीत. अशा परिस्थितीत, या आजाराने ग्रस्त बहुतेक रूग्णांना कोर्स पूर्ण करावा लागतो, संक्रमणाच्या प्रकारानुसार आजार बरा होण्यासाठी काही दिवस किंवा आठवड्यांचा कालावधी लागतो. जोपर्यंत आपल्या शरीरात व्हायरस आहे तोपर्यंत व्हायरल तापावर घरगुती उपाय करून त्यापासून बऱ्याच प्रमाणात आपण आराम मिळवू शकतो.
व्हायरल तापासाठी घरगुती उपाय :
अधिक पाणी प्यावे
व्हायरल तापामुळे आपले शरीर सामान्यपेक्षा जास्त गरम होते. यामुळे शरीरातून घाम बाहेर येतो आणि तापमान सामान्य होण्यास शरीराला खूप संघर्ष करावा लागतो. त्याच वेळी, शरीरात पाण्याची पाण्याची पातळी कमी होते, ज्यामुळे रुग्ण डिहायड्रेशनचा बळी पडतो. अशावेळी रुग्णाने जास्तीत जास्त पाणी प्यावे, जेणेकरून शरीरातील पाण्याची कमतरता भरून निघेल. पाण्यासोबतच अजून काही लिक्विड देखील घेतले पाहिजे जसे की, ज्यूस, स्पोर्ट्स ड्रिंक, सूप इ. तसेच लहान बाळाला आणि मुलांना व्हायरल तापाचे घरगुती उपाय करून व्हायरलपासून दूर ठेवण्यासाठी त्यांना इलेक्ट्रोलाइट सारखे पेडियालाइट (Pedialyte) दिले जाऊ शकते. यास आपण स्थानिक मेडिकल स्टोअरमधून खरेदी करू शकता. तसेच आपण घरी देखील इलेक्ट्रोलाइट ड्रिंक तयार करू शकतो.
पुरेशी विश्रांती घ्या, आठ ते नऊ तास झोपा
व्हायरल फिव्हर त्या अवस्थेत होतो जेव्हा आपले शरीर नेहमीपेक्षा कठोर परिश्रम करते आणि इन्फेक्शनसोबत लढण्यास कठोर प्रयत्न करते. व्हायरल फीव्हरच्या घरगुती उपायांसाठी आपण जास्तीत जास्त विश्रांती घेतली पाहिजे. शारीरिक श्रम कमी करून आराम केला पाहिजे. आजारी पडल्यावर आठ ते नऊ तास पुरेशी झोप घ्यावी. जर आपण व्यायाम करत असाल तर आपण ठीक होईपर्यंत व्यायाम करू नका. व्यायामामुळे आपल्या शरीराचे तापमान वाढू शकते.
हर्बल औषध देऊन रूग्णावर उपचार करा
व्हायरल तापाच्या घरगुती उपचारांमध्ये रुग्णाला हर्बल औषध देऊनही उपचार केला जाऊ शकतो. हर्बल औषध घेऊन प्राण्यांवर संशोधन केले गेले आहे, परंतु प्रौढांवरील त्याचे संशोधन स्पष्ट झालेले नाही. त्याच वेळी, मुलांच्या सुरक्षिततेसाठी त्यांना हे औषध न देणे चांगले आहे. त्याच वेळी, हर्बल सप्लीमेंट्स घेण्यापूर्वी वैद्यकीय सल्ला घ्या, तरच ते सेवन करणे सुरक्षित आहे.
शेवगा/ मोरिंगा (Moringa) च्या फायद्यांवर एक नजर
व्हायरल तापावर उपाय म्हणून शेवगा खूप फायदेशीर मानला जातो. शेवग्याची झाडे, पाने, फुले, ड्रम स्टिक न्यूट्रीशनने भरपूर असतात आणि त्यामध्ये औषधी गुणधर्म लपलेले असतात. या वनस्पतीमध्ये जीवनसत्त्वे, खनिजे, अँटिऑक्सिडेंट्स सोबतच अँटीबॅक्टेरियल एजेंट असतात. 2014 मध्ये सशांवर करण्यात आलेल्या संशोधनात असे आढळले आहे की याचा वापर केल्याने त्यांचा ताप कमी होतो. मानवांवर संशोधन करणे बाकी आहे. तथापि, जर एखादी स्त्री गर्भवती असेल तर तिने याचे सेवन कधीही करू नये.
तसेच अजून एका संशोधनात असे दिसून आले आहे की जर कोणी शेवग्याच्या पानांचे सेवन करत असेल तर त्यांना स्किन आणि म्यूकस संबंधित आजार स्टीव्हन्स जॉनसन सिंड्रोम (Stevens-Johnson syndrome) होऊ शकतो. या आजाराने ग्रस्त असणाऱ्या लोकांना याचे सेवन न करण्याचा सल्ला दिला जातो.
व्हायरल तापापासून मुक्त होण्यासाठी कुडझू रूटचे फायदे
कुडझू रूट हे पारंपारिक चिनी औषधांमध्ये वापरले जाणारे औषध आहे. यात दाहक-विरोधी गुणधर्म आहेत, तसेच हे वेदना नियंत्रित करण्यास मदत करते. याचा वापर व्हायरल तापाच्या घरगुती उपचारांमध्ये केला जाऊ शकतो. 2012 मध्ये उंदरांवर केलेल्या संशोधनात असे दिसून आले आहे की याच्या वापरामुळे ताप कमी झाला आहे. तसेच, जर आपण मेथोट्रेक्सेट (methotrexate), टॅमोक्सिफेन (tamoxifen) ही औषधे घेत असाल तर कुडजू रूटचे सेवन करू नये. याव्यतिरिक्त जर आपल्याला हार्मोनल सेन्सेटिव्ह कॅन्सर असेल, जसे की ईआर पॉझिटिव्ह ब्रेस्ट कॅन्सर, तर आपण याचे सेवन करू नये.
शरीराचे तापमान थंड ठेवण्याचा प्रयत्न करा
व्हायरल तापाच्या घरगुती उपचारांमध्ये आपण शरीराचे तापमान थंड ठेवण्याचा प्रयत्न करणे महत्वाचे आहे. यासाठी आपण आपल्या सभोवताली कूलर लावू शकता. परंतु हे लक्षात ठेवा की घराचे तापमान खूपच थंड ठेवण्याचा प्रयत्न करू नका. जर आपण थंडीने कुडकुडत असाल तर कूलर थांबवा, हुडहुडी भरल्याने ताप वाढू शकतो.
बहुतेक व्हायरल फीव्हर आपोआपच ठीक होतात
व्हायरल ताप झाल्यास घाबरून जाण्याची गरज नाही. मग तो मुलांना झाला असो किंवा प्रौढांना. बहुतेक व्हायरस आपल्या शरीरात आपोआप ठीक होत असतात. आपल्या शरीराची रचना अशी आहे की ती स्वतःच लहान आजारांशी लढू शकते. परंतु जेव्हा आपल्याला हे समजते की ताप कमी होतच नाही, अशा परिस्थितीत या आजाराकडे दुर्लक्ष करण्याऐवजी वैद्यकीय सल्ला घेणे महत्वाचे आहे.