KDMC Property Tax | कल्याण-डोंबिवली मनपात समाविष्ट २७ गावांतील मालमत्ता कर, बांधकामांबाबत धोरण निश्चित करा- मुख्यमंत्री एकनाथ शिंदे
मुंबई : पोलीसनामा ऑनलाइन – कल्याण-डोंबिवली महानगरपालिकेत (KDMC Property Tax) समाविष्ट करण्यात आलेल्या २७ गावांतील मालमत्ता करांबाबत, गावठाण व त्याबाहेरील बांधकामांबाबत सर्वंकष धोरण ठरवण्याबाबत सर्वेक्षण करा. गरज भासल्यास समिती स्थापन करा, असे निर्देश मुख्यमंत्री एकनाथ शिंदे (CM Eknath Shinde) यांनी आज येथे दिले. (KDMC Property Tax)
या २७ गावांतील विविध प्रश्नांसंदर्भात सर्वपक्षीय संघर्ष समितीने आज मुख्यमंत्री शिंदे यांची भेट घेतली. यावेळी श्री संत सावळाराम महाराज स्मारक, तसेच भिंवडी-कल्याण-शीळफाटा रुंदीकरणातील बाधितांना मोबदला याबाबतही चर्चा झाली. त्याबाबत विविध शिष्टमंडळांनी आपले म्हणणे मुख्यमंत्र्यांकडे सादर केले.
मंत्रालयात समिती सभागृहात झालेल्या या बैठकीस खासदार डॉ. श्रीकांत शिंदे (MP Dr. Shrikant Shinde), आमदार राजू पाटील (MLA Raju Patil), एमएमआरडीएचे आयुक्त एस. व्ही.आर. श्रीनिवास (MMRDA Commissioner S. V.R. Srinivas), नगरविकास विभागाच्या प्रधान सचिव सोनिया सेठी, कोकण विभागीय आयुक्त डॉ. महेंद्र कल्याणकर (Konkan Divisional Commissioner Dr. Mahendra Kalyankar), ठाणे जिल्हाधिकारी अशोक शिनगारे (Thane Collector Ashok Shingare), कल्याण डोंबिवली महापालिकेचे आयुक्त तथा प्रशासक डॉ भाऊसाहेब दांगडे (KDMC Commissioner Dr. Bhausaheb Dangde), एमएसआरडीसीचे सहव्यवस्थापकीय संचालक अनिल गायकवाड, कैलास जाधव यांच्यासह सर्वपक्षीय संघर्ष समितीचे राजेश मोरे, दिपेश म्हात्रे, राजेश कदम, चंद्रकांत पाटील, गजानन पाटील, महेश पाटील, गजानन मंगरूळकर आदींसह जयेश भाग्यवंत महाराज, आर्किटेक्ट राजीव तायशेटे आदी उपस्थित होते.
बैठकीत उपस्थित झालेल्या विविध मुद्यांबाबत मुख्यमंत्री शिंदे यांनी निर्देश दिले.
ते म्हणाले की, संत सावळाराम यांचे यथोचित स्मारक व्हावे ही ग्रामस्थांची भावना महत्त्वाची आहे. त्यासाठी कल्याण-डोंबिवली महापालिकेची (KDMC News) नवीन प्रशासकीय इमारत आणि हे स्मारक यासाठीचा संयुक्त भूखंडही निश्चित करण्यात आला आहे. इमारत व स्मारकाबाबतचा प्रस्ताव लवकरात लवकर सादर करावा. हे स्मारक भव्य आणि उत्तम दर्जाचे व्हावे यासाठी नियोजन करा.
कल्याण-डोंबिवली महापालिकेत (KDMC Property Tax) समाविष्ट झालेल्या २७ गावांच्या विविध मागण्या आहेत.
या मागण्यांबाबत त्यांच्या नागरी समस्या सोडविण्याकरिता सर्वंकष धोरण आखण्याची आवश्यकता आहे.
या गावांच्या मालमत्ता कराबाबत आणि या गावातील बांधकामांबाबत एक धोरण निश्चित करावे लागेल.
त्यासाठी सर्वेक्षण करणे, आवश्यकता भासल्यास समिती स्थापन करणे याबाबत कार्यवाही करण्यात यावी.
भिवंडी-कल्याण-शिळफाटा रस्त्याच्या रुंदीकरणात काही गावांतील जमिनींचे भूसंपादन झाले, पण त्यांचा मोबदला योग्यदराने गेला नाही.
त्यावर राज्य रस्ते विकास महामंडळ (State Road Development Corporation) आणि
जिल्हाधिकारी यांनी संयुक्तपणे पाहणी करावी आणि त्याबाबतचे धोरण आणि दर निश्चित करावे.
जेणेकरून या गावांना वारंवार मोबदल्यासाठी संघर्ष करावा लागणार नाही.
हा प्रश्न कायमस्वरुपी सोडविण्यासाठी कार्यवाही करावी असे निर्देशही मुख्यमंत्र्यांनी दिले.
या बैठकीत खासदार डॉ. शिंदे, आमदार पाटील यांनीही सहभाग घेतला.
या २७ गावांना मालमत्ता करात सवलत मिळावी,
बांधकामांबाबत धोरण निश्चित व्हावे यासाठी त्यांनी भूमिका मांडली. या २७ गावांतील रस्त्यांसाठी ३५० कोटी रुपये,
तसेच पाणीपुरवठा योजनांसाठी २०० कोटी रुपये उपलब्ध करून
देण्यात आल्याची माहितीही यावेळी खासदार डॉ. शिंदे यांनी दिली.
Web Title :- KDMC Property Tax | Determine policy regarding property tax, construction in 27 villages included in Kalyan-Dombivli Municipality- Chief Minister Eknath Shinde
Join our WhatsApp Group, Telegram, facebook page and Twitter for every update
Pune Crime News | पुणे पोलिसांकडून बनावट निकाहनामा बनवून तरूणीची बदनामी करणार्याला बुलढाण्यातून अटक
Awami Mahaz Pune | आझम कॅम्पस : ‘अवामी महाज’ च्या ईद मिलन मध्ये रंगली संगीत संध्या !