राज्यातील शासकीय कार्यालयांमध्ये साजरी केली जाईल बाळासाहेब ठाकरे आणि त्यांच्या वडिलांची ‘जयंती’, GAD कडून प्रस्ताव जारी

मुंबई : पोलीसनामा ऑनलाइन – महाराष्ट्र सरकार (Maharashtra Government) ने गुरुवारी शिवसेने (Shiv Sena) चे संस्थापक दिवंगत बाळासाहेब ठाकरे (Balasaheb Thackeray) आणि त्यांचे वडील केशव सीताराम ठाकरे (Keshav Sitaram Thackeray) यांच्या नावांचा त्या प्रतिष्ठित व्यक्तींच्या यादीमध्ये समावेश केला आहे, ज्यांच्या जयंत्या सरकारी कार्यालयांमध्ये साजऱ्या केल्या जातात.

सामान्य प्रशासन विभागाने (GAD) गुरुवारी सरकारी प्रस्ताव (GR) जाहीर केला असून त्यामध्ये चार नावांचा समावेश करून नवीन यादी जाहीर केली आहे. त्यानुसार 23 जानेवारी रोजी बाळासाहेब ठाकरे यांची जयंती सरकारी कार्यालयांमध्ये साजरी केली जाईल. विशेष म्हणजे मुख्यमंत्री उद्धव ठाकरे यांच्याकडे सामान्य प्रशासन हा विभाग आहे.

बाळासाहेब ठाकरे यांचे वडील केशव सीताराम ठाकरे यांना त्यांच्या सुधारणावादी विचारांमुळे आणि धार्मिक रूढिवादावर कडवट टीका केल्यामुळे प्रबोधनकार (सुधारक) म्हणून देखील त्यांना ओळखले जाते. एका अधिकाऱ्याने सांगितले की, “दरवर्षी डिसेंबर महिन्यात राज्य सरकारतर्फे थोर व्यक्तींच्या नावांची आणि विविध प्रकारच्या महत्त्वाच्या दिवसांची यादी जाहीर करण्यात येते. 15 डिसेंबर 2020 रोजी प्रसिद्ध झालेल्या जीआरमध्ये 37 नावे होती, त्यामध्ये चार नवीन नावे समाविष्ट करण्यात आली आहेत.”

बाळासाहेब ठाकरे यांनी व्यंगचित्रकार म्हणून आपल्या जीवनाचा प्रवास सुरू केला होता. पूर्वी ते इंग्रजी वर्तमानपत्रांसाठी व्यंगचित्र तयार करायचे. तथापि, नंतर त्यांनी सन 1960 मध्ये ‘मार्मिक’ नावाचे साप्ताहिक वृत्तपत्र काढले आणि महाराष्ट्रात त्यांचे वडील केशव सीताराम ठाकरे यांच्या राजकीय तत्वज्ञानाचा प्रचार व प्रसार केला. बाळासाहेब ठाकरे यांनी 1966 मध्ये शिवसेनेची स्थापना केली होती.