Maharashtra Board 10th Result 2024 | धाकधूक वाढली! दहावीच्या निकालाची तारीख ठरली
पुणे : पोलीसनामा ऑनलाईन – Maharashtra Board 10th Result 2024 | बारावीचा निकाल जाहीर झाल्यांनतर यामध्ये मुलींनी बाजी मारल्याचे चित्र पाहायला मिळाले. आता दहावीचा निकाल कधी जाहीर होणार याबाबत विद्यार्थी आणि पालक प्रतीक्षा करीत होते. दहावीचा निकाल जाहीर होण्यापूर्वीच अकरावी प्रवेशाची ऑनलाईन प्रक्रिया सुरु झाली आहे.
राज्यातील काही भागात अकरावीचा प्रवेश ऑफलाईन पद्धतीने करण्यात येतो. मुंबईसह काही शहरांमध्ये प्रवेश प्रक्रिया ऑनलाईन पद्धतीने राबवली जाते. त्यामुळे दहावीचा निकाल कधी लागणार याबाबत उत्सुकता निर्माण झाली आहे.
महाराष्ट्र राज्य माध्यमिक आणि उच्च माध्यमिक मंडळाकडून फेब्रुवारी मार्च महिन्यात घेण्यात आलेल्या दहावीच्या परीक्षेचा निकालाबाबत मोठी घोषणा केली आहे. आता दहावीचा निकाल २७ मे रोजी दुपारी १ वाजता जाहीर करण्यात येणार असल्याचे विभागाकडून सांगण्यात आले आहे.
दहावीची परीक्षा देणाऱ्या विद्यार्थ्यांना त्यांचा निकाल mahresult.nic या वेबसाईटवर उपलब्ध होईल.
याशिवाय आणखी काही वेबसाईटवर निकाल विद्यार्थ्यांना पाहता येईल असे म्हंटले आहे.
गेल्या काही वर्षांमध्ये राज्यात दहावीच्या विद्यार्थ्यांची संख्या वाढली आहे. यंदा १६ लाख ९ हजार ४४४ विद्यार्थ्यांनी दहावीची परीक्षा दिली आहे.
Join our WhatsApp Group, Telegram, facebook page and Twitter for every update
हे देखील वाचा
Porsche Car Accident Pune | प्रसिद्धीच्या हेतूने अपघाताच्या घटनेवर रॅप सॉंग बनवल्याची कबुली
Maval Crime News | मावळात तळ्यात बुडून महाविद्यालयीन तरुणाचा मृत्यू