Maratha Reservation | मराठा आरक्षणाचा आवाज संसदेत, छत्रपती संभाजीराजेंचा पुढाकार; राज्यातील खासदारांची सोमवारी बैठक!
नवी दिल्ली : राज्यात मराठा आरक्षणावरून (Maratha Reservation) वातावरण तापले आहे. मात्र, सरकारमधील मंत्री छगन भुजबळ (Chhagan Bhujbal) आणि काही आमदारच मराठा आरक्षणाला आणि नेतृत्वाला विरोध करत असल्याने आता मराठा आरक्षणाचा (Maratha Reservation) आवाज संसदेत पोहचवण्यासाठी छत्रपती संभाजीराजे (Chhatrapati Sambhaji Raje) यांनी पुढाकार घेतला आहे. सध्या संसदेचे हिवाळी अधिवेशन (Parliament Winter Session 2023) सुरू असून राज्यातील सर्व खासदार दिल्लीत आहेत. त्यामुळे सोमवारी संभाजीराजे यांनी खासदारांची बैठक बोलावली आहे.
मराठा आरक्षणासंदर्भात (Maratha Reservation) संसदेत भूमिका मांडण्यासाठी छत्रपती संभाजीराजे यांनी राज्यातील सर्व लोकसभा आणि राज्यसभेच्या खासदारांची संयुक्त बैठक सोमवार, १८ डिसेंबर रोजी दिल्लीतील महाराष्ट्र सदन येथे बोलावली आहे. बैठकीचे निमंत्रण राज्यातील सर्व खासदारांसह केंद्रीय मंत्री नितीन गडकरी (Nitin Gadkari), नारायण राणे (Narayan Rane) तसेच राष्ट्रवादी काँग्रेसचे अध्यक्ष शरद पवार (NCP Chief Sharad Pawar) यांनाही दिले आहे.
छत्रपती संभाजीराजे यांनी बोलावलेल्या बैठकीला किती खासदार उपस्थित राहणार, हे पाहणे महत्वाचे ठरणार आहे.
मनोज जरांगे पाटील (Manoj Jarange Patil) यांच्या मागणीला छत्रपती संभाजीराजे यांनी यापूर्वीच पाठिंबा दर्शविला आहे.
आता यासाठी त्यांनी स्वता पुढाकार घेत खासदारांची बैठक बोलावली आहे.
Join our WhatsApp Group, Telegram, facebook page and Twitter for every update
हे देखील वाचा