मुंबई : पोलीसनामा ऑनलाईन – देशातील सर्वात श्रीमंत कुटुंब असलेल्या अंबानी कुटुंबात नव्या पाहुण्याच आगमन झाले आहे. रिलायंन्स इंडस्ट्रीचे मालक उद्योगपती मुकेश अंबानी आणि नीता अंबानी आता आजी-आजोबा झाले ( Reliance Industries Chairman Mukesh Ambani and wife Nita have become grandparents )आहेत. मुकेश अंबानी यांचा थोरला मुलगा आकाश अंबानी आणि त्याची पत्नी श्लोका यांना पुत्ररत्नाचा लाभ (akash-and-shloka-welcome-baby-boy) झाला आहे.
अंबानी कुटुंबाच्या प्रवक्त्यांकडून निवेदन प्रसिद्ध करत ही गोड बातमी देण्यात आली आहे. नवजात बाळ आणि श्लोका अंबानी या दोघांचीही प्रकृती उत्तम असल्याचे सांगण्यात आले आहे. अंबानी कुंटुंबासाठी हा एक अत्यंत खास क्षण असून आनंदाचे वातावरण आहे.
आकाश अंबानी आणि श्लोका यांचा 2019 मध्ये मोठ्या थाटामाटात विवाह सोहळा पार पडला होता. संपूर्ण जगभरात या राजेशाही लग्नाची चर्चा झाली होती. लग्न सोहळ्याला आंतरराष्ट्रीय पाहुणेमंडळींपासून सिनेसृष्टी, क्रीडा, उद्योग आणि राजकीय क्षेत्रातील नामवंत मंडळी उपस्थित होती. आकाश आणि श्लोका हे दोघेही शाळेपासूनच एकमेकांना ओळखत होते. धीरुभाई अंबानी इंटरनॅशनल स्कूलमध्येच दोघांचे शालेय शिक्षण पूर्ण झाले आहे.