Mumbai Crime News | इमारतीच्या छतावरून उडी घेऊन महिलेची आत्महत्या; मुंबईमधील घटना
मुंबई : पोलीसनामा ऑनलाईन – Mumbai Crime News | मुंबईमध्ये एक धक्कादायक घटना घडली आहे. यामध्ये दादर पश्चिममध्ये इमारतीच्या छतावरून उडी मारून एका महिलेने आपल्या आयुष्याचा शेवट केला आहे. रोहिणी रमेश पाटील (वय 64 वर्ष) असे या वृद्ध महिलेचं नाव आहे. त्यांना म्हतारपणात कर्करोगाने ग्रासल्याने त्या मानसिकरीत्या खचल्या होत्या. यातूनच त्यांनी हे टोकाचे पाऊल उचलले आहे. या घटनेची माहिती मिळताच पोलीस घटनास्थळी दाखल झाले. या प्रकरणी दादर पोलीस ठाण्यात आकस्मात मृत्यूची नोंद करण्यात आली आहे. (Mumbai Crime News)
काय आहे नेमके प्रकरण?
रोहिणी रमेश पाटील या दादर पश्चिममध्ये असलेल्या वर्तक हॉल समोरील साईकृपा इमारतीत कुटुंबासोबत राहत होत्या. त्या रोज सकाळी सात मजली इमारतीच्या गच्चीवर फेरफटका मारण्यासाठी जात होत्या. घटनेच्या दिवशी त्या नेहमीप्रमाणे इमारतीच्या गच्चीवर गेल्या, मात्र त्यानंतर काही वेळातच त्यांनी इमारतीच्या गच्चीवरून उडी मारून आपले आयुष्य संपवले. या घटनेमुळे परिसरात मोठी खळबळ उडाली. (Mumbai Crime News)
Mumbai | A 64-year-old elderly woman dies by suicide after jumping off from the roof of a building in Dadar west area. Deceased was battling cancer & was allegedly in depression. A case registered under ADR (Accidental death report). Further probe is underway: Mumbai Police
— ANI (@ANI) March 9, 2023
जानेवारी महिन्यात शस्त्रक्रिया
त्यांना म्हातारपणी कर्करोग झाला होता. यामुळे त्या तणावात होत्या. त्यांनी अनेकवेळा याची खंत अनेकदा आपल्या कुटुंबाकडे व्यक्त केली होती. त्यांच्यावर जानेवारी महिन्यात शस्त्रक्रिया करण्यात आली होती. मात्र त्या मानसिकदृष्ट्या मोठ्या प्रमाणात खचल्या होत्या. याच मानसिक तणावातून त्यांनी आत्महत्या केली असल्याचा प्राथमिक अंदाज वर्तवण्यात येत आहे. मृत रोहिणी यांच्या पश्चात पती, मुलगा सून व नात असा परिवार आहे.
Web Title : Mumbai Crime News | woman suffering from cancer took an extreme step in mumbai
Join our WhatsApp Group, Telegram, facebook page and Twitter for every update
Nagpur Crime News | चारित्र्याच्या संशयावरून पतीकडून पत्नीची निर्घृणपणे हत्या
Pune News | हिमतीने समोर गेल्यास महिला जग जिंकेल; जागतिक महिला दिनी आबेदा इनामदार यांचे प्रतिपादन