New Energy Rating | स्टार पाहून खरेदी करता AC-Fridge, बदलणार आहे नियम, तुमच्यावर सुद्धा होईल परिणाम

नवी दिल्ली : वृत्तसंस्था – New Energy Rating | एअर कंडिशनर (Air Conditioner) आणि फ्रीज (Fridge) सह इलेक्ट्रॉनिक वस्तू (Electronic Appliances) खरेदी करताना लोक स्टार रेटिंग (Energy Rating) ची सर्वाधिक काळजी घेतात. जास्त वीज बिलामुळे (Electricity Bill) तुमचा खिसा रिकामा होऊ नये, असे तुम्हालाही वाटत असेल, तर याची काळजी घेणे आवश्यक आहे. (New Energy Rating)

मात्र, तुम्हीही एसी किंवा फ्रीज घेण्याचा विचार करत असाल तर ही बातमी तुम्हाला धक्का देईल. खरं तर, लवकरच एसी आणि फ्रीजच्या एनर्जी रेटिंगमध्ये म्हणजेच स्टार रेटिंगमध्ये बदल होणार आहे. बदल होताच या उत्पादनांच्या किमतीतही वाढ होणार आहे.

पुढील महिन्यापासून बदलणार एसीचे रेटिंग
एसीच्या बाबतीत, एनर्जी रेटिंग दर दोन वर्षांनी बदलले जाते. यावेळी ते बदल पुढील महिन्यापासून लागू होणार आहे. सध्या जे एसी फाइव्ह स्टार आहेत, ते नवीन प्रणाली लागू झाल्यानंतर 4 स्टार होतील. (New Energy Rating)

यानंतर कंपन्या पंचतारांकित कॅटेगरीतील नवीन उत्पादने लाँच करतील, जी पूर्वीच्या उत्पादनांपेक्षा अधिक एनर्जी एफिशियंट असतील, म्हणजेच जास्त विजेची बचत करतील. यामध्ये कंपन्यांना टेक्नॉलॉजिवर काम करावे लागणार असल्याने खर्च वाढणे स्वाभाविक आहे. नवीन एनर्जी रेटिंग लागू झाल्यानंतर एसीच्या किमती 7 ते 10 टक्क्यांनी वाढू शकतात असा अंदाज आहे.

रेफ्रिजरेटरचे रेटिंग पुढील वर्षापासून बदलणार
रेफ्रिजरेटर्सच्या बाबतीत, नवीन स्टार रेटिंग पुढील वर्षापासून लागू होईल. येथेही एसीप्रमाणेच परिणाम दिसून येईल. जे फ्रीज आता फाइव्ह स्टार आहेत, ते पुढच्या वर्षी फोर स्टार होतील.

त्याचबरोबर कंपन्या फाइव्ह स्टार कॅटेगरीतील नवीन फ्रीज बाजारात आणणार आहेत.
येथेही कंपन्यांना जास्त खर्चाचा बोजा सहन करावा लागणार असून, तो ग्राहकांना हस्तांतरित केला जाईल.
म्हणजेच पुढील वर्षापासून फ्रीज घेणेही महाग होणार आहे. मात्र, आता जे पंचतारांकित एसी किंवा फ्रीज येतील, तेही जास्त विजेची बचत करणार आहेत.

जुन्या मालावर मिळू शकतात मोठ्या ऑफर
एका अर्थाने, हा बदल एसी किंवा रेफ्रिजरेटर घेण्याचा विचार करणार्‍या ग्राहकांनाही मोठी संधी देऊ शकतो.
नवीन माल आणण्यापूर्वी कंपन्या जुना माल बाजारातून बाहेर काढण्याचा प्रयत्न केला जातो.

यावेळीही जुन्या रेटिंगची उत्पादने पुरेशा प्रमाणात शिल्लक राहिल्यास, कंपन्या त्यांना लवकरात लवकर काढून टाकण्यासाठी मोठ्या ऑफर देऊ शकतात.
अशावेळी ग्राहकांना स्वस्तात चांगला एसी-फ्रिज खरेदी करण्याची संधी मिळू शकते.
मात्र, ही ऑफर कोणत्या कंपनीचे जुन्या रेटिंगचे किती युनिट्स अनसोल्ड राहिले आहेत यावर अवलंबून असेल.

Web Title :- New Energy Rating | new energy rating for air conditioner fridge ac prices may increase from next month

Join our WhatsApp Group, Telegram, facebook page and Twitter for every update

हे देखील वाचा

Purandar Upsa Irrigation Scheme | पुरंदर उपसा सिंचन योजनेच्या पाईपलाईनचे काम केवळ 40 दिवसात पूर्ण

Eknath Shinde | भाजपसोबत युती करणं काळाची गरज, एकनाथ शिंदेची मुख्यमंत्र्यांकडे मागणी; दोन नेत्यांमध्ये फोनवर संवाद

Maharashtra Political Crisis | ‘आमदारांना किडनॅप करुन सुरतला नेलं’- संजय राऊत