NHSRCL Recruitment 2020 : वरिष्ठ कार्यकारी पदासाठी ‘या’ लिंकवर करा अर्ज, 1 जानेवारी पर्यंत संधी
file photoनवी दिल्ली : वृत्तसंस्था – नॅशनल हाय स्पीड रेल कॉर्पोरेशन लिमिटेड (एनएचएसआरसीएल) ने वरिष्ठ कार्यकारी पदांच्या भरतीसाठी उमेदवारांकडून ऑनलाईन अर्ज मागविले आहेत. अर्ज प्रक्रिया अधिकृत वेबसाइट, nhsrcl.in वर सुरू केली आहे. अर्ज करण्याची शेवटची तारीख 1 जानेवारी 2021 आहे. इच्छुक आणि पात्र उमेदवार अधिकृत वेबसाइटवर भेट देऊन ऑनलाईन अर्ज करू शकतात. सविस्तर माहितीसाठी आपण तपशील सूचना तपासू शकता.
या रिक्रूटमेंटमधून एकूण 61 रिक्त पदे भरली जाणार आहे. यामध्ये वरिष्ठ कार्यकारीची 53, वरिष्ठ कार्यकारी (एस अॅण्ड टी) ची 3 पदे, वरिष्ठ कार्यकारी (विद्युत) ची 2 पदे, वरिष्ठ कार्यकारी (सामान्य) ची 2 आणि सहाय्यक व्यवस्थापक (जनरल) ची 1 पदे यांचा समावेश आहे.
शैक्षणिक पात्रता आणि वय मर्यादा
वेगवेगळ्या पदांसाठी शैक्षणिक पात्रता आणि कामाचा अनुभव वेगवेगळा आहे. पदांनुसार शैक्षणिक पात्रता आणि कामाच्या अनुभवाची विस्तृत माहिती मिळविण्यासाठी आपण अधिकृत संकेतस्थळाला भेट देऊन सविस्तर अधिसूचना पाहू शकता. त्याचवेळी उमेदवारांचे वय 20 ते 35 वर्षे असावे. 31 डिसेंबर 2020 पर्यंत वयाची गणना केली जाईल. म्हणजेच, 31 डिसेंबर 1985 पूर्वी आणि 31 डिसेंबर 2000 नंतर उमेदवाराचा जन्म होऊ नये.
निवड प्रक्रिया
संगणक आधारित चाचणी (सीबीटी), वैयक्तिक मुलाखत आणि वैद्यकीय परीक्षेद्वारे उमेदवारांची निवड केली जाईल. परीक्षेची तारीख, निकाल किंवा भरती संबंधित कोणत्याही प्रकारची माहिती अधिकृत संकेतस्थळावर जाहीर केली जाईल.
या स्टेपद्वारे ऑनलाईन अर्ज करा
ऑनलाईन अर्ज करण्यासाठी उमेदवाराने अधिकृत वेबसाइट, nhsrcl.in वर जावे. मुख्यपृष्ठावर उपलब्ध असलेल्या करिअर विभागात सध्याच्या ओपनिंग्सवर क्लिक करावे. आता एक नवीन पृष्ठ उघडेल. येथे वेगवेगळ्या पोस्ट्ससाठी ऑनलाइन ऑनलाईन नोंदणी लिंक उपलब्ध आहे. ज्या पदासाठी उमेदवार अर्ज करू इच्छित आहे त्याच्या नोंदणी लिंकवर क्लिक करावे. आता आपणास परत एका नवीन पेजवर आणले जाईल. सूचना येथे वाचा आणि प्रारंभ वर क्लिक करा. आवश्यक माहिती प्रविष्ट करा आणि सबमिट करा. आता आपल्याला लॉगिन आयडी आणि पासवर्ड मिळेल. याचा वापर करुन लॉगिन करा आणि पुढील अर्ज प्रक्रिया पूर्ण करा.