आता ‘ड्रायव्हिंग लायसन्स’साठी नाही द्यावी लागणार कोणतीही टेस्ट, सरकार घेऊन येत आहे नवीन ‘नियम’

नवी दिल्ली, वृत्तसंस्था : ड्रायव्हिंग लायसन्स मिळवणे हे एक कठीण काम मानले जात होते. पूर्वी कार्यालयांमध्ये फेऱ्या माराव्या लागत असत, दलालांना पकडावे लागत होते. परंतु सरकारने ही प्रक्रिया ऑनलाईन केल्यामुळे जनतेचा त्रास काहीसा कमी झाला आहे. आता त्यात सरकार ड्रायव्हिंग लायसन्स मिळविण्यासाठी टेस्ट देण्याबाबत मोठा बदल करणार आहे. केंद्रीय रस्ते वाहतूक आणि महामार्ग मंत्रालय अशी तरतूद करत आहे की ड्रायव्हिंग ट्रेनिंग सेंटरवरून ट्रेनिंग घेतल्यानंतर कोणत्याही व्यक्तीला ड्रायव्हिंग लायसन्ससाठी अर्ज करताना ड्रायव्हिंग टेस्ट देण्याची गरज नसेल.

याचा अर्थ असा की जर आपण ड्रायव्हिंग ट्रेनिंग सेंटरवरून वाहन चालविणे शिकले असेल तर आपल्याला लायसन्ससाठी कोणतीही टेस्ट देण्याची आवश्यकता नाही. केंद्रीय रस्ते वाहतूक आणि महामार्ग मंत्रालयाने या योजनेवर काम सुरू केले आहे. मंत्रालयाने यासाठी एक ड्राफ्ट नोटिफिकेशनही जारी केली आहे. केंद्रीय रस्ते वाहतूक आणि महामार्ग मंत्रालयाने जनतेचा सल्ला विचारण्यासाठी अधिसूचना जारी केली आहे.

ड्रायव्हर प्रशिक्षण केंद्रांना मान्यता

या योजनेंतर्गत मंत्रालय टेस्टसाठी ड्रायव्हर प्रशिक्षण केंद्रांना मान्यता देईल जेणेकरुन ते यास लागू करू शकतील. यासाठी मंत्रालयाकडून अधिसूचना जारी करण्यात आली आहे. तथापि, ड्रायव्हिंग प्रशिक्षण केंद्रांना सरकारने तयार केलेल्या नियमांचे पालन करावे लागेल. लोकांच्या सल्ल्यासाठी केंद्रीय रस्ते वाहतूक आणि महामार्ग मंत्रालयाने ही ड्राफ्ट नोटिफिकेशन आपल्या वेबसाइटवर अपलोड केली आहे. यामध्ये आपण आपल्या सूचना देखील देऊ शकता.

लायसन्सचे महत्त्व काय आहे?

ड्रायव्हिंग लायसन्सशिवाय वाहन चालविणे बेकायदेशीर आहे. एवढेच नव्हे तर ड्रायव्हिंग लायसन्सला ओळखपत्र म्हणून मान्यताही दिली जाते. यासह, आपण आपल्या ड्रायव्हिंग लायसन्सद्वारे काही देशांमध्ये वाहन चालवू शकता, परंतु यासाठी आपल्याला आरटीओकडून परवानगी घ्यावी लागेल.

घरबसल्या देखील करू शकता रिन्यू

कोरोना साथीच्या दरम्यान जर आपल्याला आपले ड्रायव्हिंग लायसन्स रिन्यू करायचे असेल आणि आरटीओ कार्यालयात जाण्यासाठी वेळ आणि सोय नसेल तर आपण घरी बसून ऑनलाईन पद्धतीने ड्रायव्हिंग लायसन्स रिन्यू करू शकता. यासाठी सर्व प्रथम आपल्याला फॉर्म डाऊनलोड करून तो भरावा लागेल, मग तो स्कॅन करून अपलोड करावा लागेल. या व्यतिरिक्त जर आपले वय 40 वर्षांपेक्षा जास्त असेल तर आपल्याला एखाद्या सर्टिफाईड डॉक्टरांकडून भरलेला फॉर्म 1ए आवश्यक असेल. तसेच ओरिजनल एक्सपायर्ड ड्रायव्हिंग लायसन्स, पासपोर्ट आकाराचा फोटो आणि आधार कार्ड अपलोड करावे लागेल.