राज्यातून अवैध धंद्यांना हद्दपार करण्यासाठी जनतेचा पाठिंबा आवश्यक : विश्वास नांगरे पाटील
तासगाव : पोलीसनामा आॅनलाइन – राज्यात अवैध धंद्यांना हद्दपार करण्यासाठी सामान्य जनतेचा पोलिसांना पाठिंबा आवश्यक आहे. राज्यातील अवैध धंदे हद्दपार करण्याची सुरुवात तासगाव तालुक्यातून करत आहोत. तासगाव तालुका अवैध धंदेमुक्त करण्याची जबाबदारी पोलीस अधीक्षक सुहेल शर्मा यांचेकड़े मी देत आहे, अशी मोठी घोषणा कोल्हापूर परिक्षेत्राचे विशेष पोलीस महानिरीक्षक विश्वास नांगरे – पाटील यांनी केली. ते लोकप्रतिनिधींच्या आयोजित बैठकीत ते बोलत होते.
यावेळी पोलीस अधीक्षक शर्मा, अपर पोलीस अधीक्षक शशिकांत बोराटे, पोलीस निरीक्षक अजय सिंदकर उपस्थित होते. पुढे
याबाबत काही लोकप्रतिनिधींनी बिट हवालदार गावात नसतात, अशी तक्रार केली. नांगरे – पाटील यांनी यावेळी तासगाव उपविभागांतर्गत येणार्या सर्व पोलीस ठाणे व त्याअंतर्गत येणार्या सर्व बिट हवालदारांना बिटवर थांबून काम करायच्या सूचना केल्या. ते म्हणाले, पोलीस आणि जनता यांच्यामध्ये सलोखा राहिल, असे काम पोलिसांनी करणे गरजेचे आहे. सोशल मीडियावर जातीवाचक, भावना भडकतील अशा आक्षेपार्ह पोस्ट केल्यास त्यांच्यावर गुन्हे दाखल केले जातील. असे काही व्हाट्सअॅप आपणास आढळून आल्यास पोलिसांना माहिती द्या. तरुणपिढी सोशल मीडियाच्या जाळ्यात अडकत आहे. त्यांना वेळीच सावरले पाहिजे.
पोलिस महानिरीक्षक विश्वास नांगरे पाटील यांनी तासगाव तालुक्याच्या अड़ीअड़चणी जाणून घेण्यासाठी तासगावात प्रतेक महिन्यात मीटिंग आयोजित करावी अशी मागणी जनतेतुन होत आहे.