Post Office Franchise | पोस्ट ऑफिसमधून करायची असेल कमाई तर अशी करा गुंतवणूक, भासणार नाही पैशांची अडचण
file photoनवी दिल्ली : Post Office Franchise | पोस्ट ऑफिसमधून मोठी कमाई करायची असेल, तर इंडिया पोस्टने कमाईसाठी एक चांगली संधी आणली आहे. ज्यामध्ये फक्त ५ हजार रुपयांची छोटी गुंतवणूक करून चांगली कमाई करू शकता. पोस्ट ऑफिसने फ्रँचायझी (Franchise Scheme) देण्याची सुविधा सुरू केली आहे, ज्याद्वारे ग्राहकांना विभागाशी संबंधित सेवा देऊन दरमहा चांगले पैसे कमवू शकता (Post Office Franchise).
भारतीय टपाल विभाग (Post Office) लोकांना सर्व प्रकारच्या सेवा पुरवते. यामध्ये पोस्ट किंवा पत्र पाठवणे आणि ऑर्डर करणे, मनी ऑर्डर पाठवणे, स्टॅम्प आणि स्टेशनरी पाठवणे यांचा समावेश होतो. एवढेच नाही तर पोस्ट ऑफिस अनेक लहान बचत योजनाही चालवते. लहान बचत खाते उघडणे, रोख जमा करणे, पोस्ट ऑफिसच्या इतर योजनांची प्रक्रिया किंवा जीवन प्रमाणपत्र बनवणे यासारखी अनेक कामे पोस्ट ऑफिसमध्ये केली जातात. (Post Office Franchise)
देशात अशी अनेक क्षेत्रे आहेत जिथे लोकांना पोस्ट ऑफिसची सुविधा अजूनही मिळू शकलेली नाही. म्हणजेच पोस्ट ऑफिसशी संबंधित काम ज्या वेगाने वाढत आहे, त्यानुसार देशात त्यांची संख्या कमी आहे. सध्या देशात १.५५ लाख पोस्ट ऑफिस आहेत. हे पाहता सरकार पोस्ट ऑफिसची व्याप्ती वाढवण्यावर भर देत आहे. हा या उप्रकमाचा एक भाग आहे, जेणेकरून तुम्ही घरी बसून सरकारसोबत सहभागी होऊन तुमचा व्यवसाय सुरू करू शकता आणि विभागाशी संबंधित कामातून चांगले पैसे कमवू शकता.
दोन फ्रेंचायझी पर्याय उपलब्ध
पोस्ट ऑफिस फ्रँचायझी योजनेची (Franchise Scheme) सुविधा देत आहे, जी चांगल्या उत्पन्नाचे स्रोत बनू शकते. या अंतर्गत दोन प्रकारच्या फ्रँचायझी उपलब्ध आहेत. यामध्ये पोस्ट फ्रँचायझी आउटलेट्स आणि पोस्टल एजंट्सचा समावेश आहे. पोस्ट ऑफिसेस नसलेल्या भागात तुम्ही पोस्ट फ्रँचायझी आउटलेट निवडू शकता. पोस्टल एजंट फ्रँचायझी शहरी आणि ग्रामीण भागात पोस्टल स्टॅम्प आणि स्टेशनरी वितरण हाताळतात.
गुंतवणूक कमी नफा जास्त
पोस्ट ऑफिस आउटलेट फ्रँचायझी घेण्यासाठी, तुमच्याकडे सुमारे २०० चौरस फूट जागा असावी. यासह, तुम्ही ५,००० रुपये सुरक्षा रक्कम जमा करून काम सुरू करू शकता आणि तुमच्या परिसरात पोस्ट ऑफिस सेवा देऊ शकता आणि प्रत्येक सेवेसाठी शुल्क आकारून पैसे कमवू शकता. याशिवाय, पोस्टल एजंट फ्रँचायझीसाठी तुम्हाला थोडी अधिक गुंतवणूक करावी लागेल, कारण यामध्ये तुम्हाला स्टेशनरी आणि स्टॅम्प्स खरेदी करून वितरित करावे लागतील.
आवश्यक कागदपत्रे
– आधार कार्ड
– पॅन कार्ड
– बँक स्टेटमेंट
– पासपोर्ट आकाराचा फोटो
– निवास प्रमाणपत्र
– जात प्रमाणपत्र
– उत्पन्न प्रमाणपत्र
– मतदार ओळखपत्र
आवश्यक पात्रता
पोस्ट ऑफिसमध्ये सामील होऊन म्हणजेच त्याची फ्रँचायझी घेऊन कमाई करण्याची ही सुवर्णसंधी
मिळविण्यासाठी कोणत्याही विशेष पात्रतेची गरज नाही.
यासाठीच्या शैक्षणिक पात्रतेबाबत बोलायचे झाले तर आठवी उत्तीर्ण युवकही यासाठी अर्ज करू शकतात.
अर्जदाराचे वय १८ वर्षांपेक्षा कमी नसावे. अर्ज करण्यासाठी तुम्ही तुमच्या जवळच्या पोस्ट ऑफिसशी संपर्क साधू शकता.
Web Title :- Post Office Franchise | post office franchise best investment scheme for business
Join our WhatsApp Group, Telegram, facebook page and Twitter for every update
Hina Khan | केसात गजरा अन् हातावर मेहंदी; हिना खानच्या देशी लूकने चाहत्यांना केले घायाळ