नवी दिल्ली : वृत्तसंस्था- गुरुवारी दुपारी काही लोक महात्मा गांधींच्या स्मारकाच्या ठिकाणी राजघाट येथे कफन घालून दाखल झाले आणि आपल्या हक्काची मागणी करण्यास सुरवात केली. देशभरातील अनेक मोठ्या खासगी रुग्णालयांमध्ये रुग्णांकडे मोठ्या प्रमाणावर दुर्लक्ष होत असल्याचे आंदोलकांनी सांगितले. नफा कमावण्यासाठी हे हॉस्पिटल्स रूग्णांच्या जीवाशी खेळत असल्याचा आरोप त्यांनी केला. त्यांच्याकडून अनावश्यक पैसे वसूल केले जात असून पैसे न दिल्यास कुटुंबाला त्रास दिला जात आहे असे या आंदोलकांनी म्हटले आहे.
आंदोलकांनी पुढे म्हटल्यानुसार, यातही वाईट गोष्ट अशी आहे की सेवेमध्ये मोठ्या प्रमाणावर अनियमितता असूनही, योग्य व्यवस्था नसल्यामुळे त्यांना शिक्षा केली जात नाही. आरोग्य आणि कुटुंब कल्याण मंत्रालयाने राजधानीतील खासगी रुग्णालयांमध्ये जाहीर केलेल्या सनदीची अंमलबजावणी करण्याचे आदेश जारी करण्याची मागणीही आंदोलकांनी दिल्ली सरकारकडे केली.
हा अधिकार रुग्णांना मिळायला हवा :
आंदोलकांचे नेतृत्व करणारे डॉ. अभय शुक्ला यांनी सांगितले की, प्रत्येक रूग्णाला त्याच्या उपचारादरम्यान कोणत्याही तपासणी केंद्रावर आरोग्य तपासणी करून कोणत्याही मेडिकल स्टोअरमधून औषध खरेदी करण्याचा अधिकार आहे. उपचारादरम्यान, रुग्णाला दुसऱ्या डॉक्टरांचा सल्ला नाकारला जाऊ शकत नाही. तसेच रूग्णांना मोफत आपात्कालीन उपचार रुग्णालये नाकारू शकत नाहीत. तसेच रुग्णांना त्यांची माहिती डिजिटल ठेवण्यासाठी लेखी संमती असणे आवश्यक आहे.
प्रत्यक्षात मात्र याउलट रुग्णालये रूग्णांना विशेष केंद्रे किंवा त्यांच्या स्टोअरमधूनच औषधे खरेदी करण्यास सांगतात. यामुळे रुग्णांना औषधे महाग मिळतात. याशिवाय पैसे न मिळाल्यास ते मृताच्या शवाला ‘तारण’ बनवू शकत नाहीत. या मुद्द्यांशी संबंधित नियम बनविण्यात आले आहेत, परंतु माहिती नसल्याने हे कायदे पाळले जात नाहीत.
खासगी रुग्णालयांच्या मनमानीवर हवे नियंत्रण :
डॉ अभय शुक्ला म्हणाले की दिल्ली आणि इतर राज्यातील खासगी रुग्णालयांच्या या मनमानीला आळा घालण्याचा आणि त्यासाठी आवश्यक त्या सूचना देण्याचा त्यांचा प्रयत्न आहे. प्रत्येक रुग्णालयात रूग्णांचे हक्क मोठ्या नोटीसबोर्डवर लिहिले जावेत जेणेकरुन सर्व रुग्णांना त्यांचे हक्क कळू शकतील आणि कोणतीही चूक झाल्यास रुग्ण त्यांच्या हक्कांची विचारणा करतील.
आंदोलकांनी सांगितले उदाहरण :
प्रात्यक्षिकात उपस्थित बसंत शर्मा म्हणाले की, आपल्या पत्नीला ताप होता त्यावेळी त्यांनी उपचारासाठी दिल्लीतील एका मोठ्या रुग्णालयात संपर्क साधला. रुग्णालयात त्यांना चुकीच्या आजाराने ग्रस्त असल्याची चुकीची माहिती दिली गेली आणि त्याचे मोठे ऑपरेशन झाले. रुग्णालयाने त्यांना दुसर्‍या डॉक्टरांचा सल्ला घेऊ दिला नाही. नंतर त्याला समजले की त्यांच्या केवळ पत्नीला साधा ताप आहे आणि ऑपरेशनची आवश्यकता नव्हती. हा खटला अद्याप कोर्टात प्रलंबित आहे.
अशाच प्रकारात डेंग्यूच्या उपचारादरम्यान एका मुलीचा मृत्यू झाला. यानंतर रुग्णालयाने मुलीचा मृतदेह ‘ओलीस’ म्हणून ठेवला होता आणि पैसे दिल्यानंतरच मृतदेह घेण्यास सांगितले होते. पण हे प्रकरण माध्यमात आल्यानंतर रुग्णालयाने मुलीचा मृतदेह तिच्या कुटुंबियांच्या स्वाधीन केला. अशी प्रकरणे थांबवावीत, असे आंदोलनकर्त्यांनी सांगितले.
Visit : Policenama.com
- बाजारातील ‘कोल्ड्रिंक’ पेक्षा घरात अशी तयार करा आरोग्यदायी शीत पेय
- लिंबू सरबत आरोग्यासाठी आहे गुणकारी, नियमित घेतल्यास होतील ‘हे’ फायदे
- तारुण्य टिकविण्यासाठी तरूणांनी ‘हे’ खावे, व्यक्तीमहत्व खुलण्यासाठी आवश्य
- दम्याचा त्रास असेल तर घरातील ‘हा’ पदार्थ आहे रामबाण उपाय, जाणून घ्या
- मुलींमध्ये अठराव्या वर्षानंतर उद्भवू शकतात ‘या’ समस्या, करा ‘हे’ उपाय
- पुरूषांनो, डोक्याला टक्कल पडली असेल तर करा ‘हे’ खास घरगुती उपाय
- महिलांनी ‘हे’ फळ खाल्ले तर येणार नाही ‘हार्टअटॅक’, हे आहेत आरोग्यदायी फायदे
- तुम्हाला ‘ही’ सवय असेल तर वेळीच व्हा सावध, हाडे होऊ शकतात ठिसूळ
- परीक्षेचे टेन्शन घेऊ नका, तणावमुक्त राहण्यासाठी अशी करा तयारी
- आरोग्यासह सौंदर्य प्रदान करणारे आहे ‘हे’ पारंपारिक पेय, नियमित प्या