Pune Khadak Police | फसवणुकीच्या गुन्ह्यातील रक्कम पुणे पोलिसांकडून अवघ्या चार तासात परत
पुणे : पोलीसनामा ऑनलाइन – Pune Khadak Police | क्लिनिक मध्ये काम करणाऱ्या असिस्टंटने डॉक्टरची आर्थिक फसवणूक (Cheating Fraud Case) केली. याबाबत डॉक्टरने पोलीस चौकीत तक्रार देताच पोलिसांनी तपास चक्र फिरवून अवघ्या चार तासात डॉक्टरचे पैसे परत मिळवून दिले. याबद्दल डॉ. प्राजक्ता मोरे यांनी पुणे पोलिसांचे आभार मानले आहेत.(Pune Khadak Police)
डॉ. प्राजक्ता मोरे यांच्या क्लिनिकमध्ये काम करणाऱ्या असिस्टंटने त्यांची एक लाख 20 हजार रुपयांची आर्थिक फसवणूक केली. याबाबत डॉ. मोरे यांनी बुधवारी (दि.10) घोरपडे पेठ पोलीस चौकीत तक्रार दिली होती. पोलिसांनी तक्रार नोंदवून तपास सुरु केला. महिला पोलीस अंमलदार कांबळे यांनी दाखल गुन्ह्याचा तपास सुरु केला.
कांबळे यांनी दाखल गुन्ह्याचा तपास करुन फिर्यादी डॉ. प्राजक्ता मोरे यांचे एक लाख वीस हजार रुपये परत मिळवून दिले. पोलिसांनी तक्रार केल्यानंतर अवघ्या चार तासाच्या आत पैसे मिळवून दिल्या बद्दल डॉ. मोरे यांनी पुणे पोलीस दलाचे आभार मानले आहेत.
Join our WhatsApp Group, Telegram, facebook page and Twitter for every update
हे देखील वाचा