Pune PMC News | पुणे मनपा आयुक्तांना जलपर्णी भेट ! नदीपात्रालील जलपर्णी काढण्यासाठी माजी नगरसेवक महेंद्र पठारे यांचे आंदोलन
पुणे : पोलीसनामा ऑनलाइन – Pune PMC News | खराडी – चंदननगर प्रभागात नदीपात्रात असलेल्या जलपर्णी व त्यामुळे निर्माण होत असणाऱ्या डासांमुळे नागरिकांच्या आरोग्याचा प्रश्न निर्माण झालेला आहे. या गंभीर विषयी आज (बुधवार) माजी नगरसेवक महेंद्र पठारे यांनी पुणे मनपा कार्यालयासमोर आंदोलन केले. तसेच पुणे मनपा आयुक्तांची भेट घेवून नदीपात्रातील जलपर्णी भेट देऊन ही जलपर्णी तातडीने काढण्याची मागणी केली.(Pune PMC News)
यावेळी महेंद्र पठारे (Mahendra Pathare) यांनी निवेदन देवून नदिपात्रातील जलपर्णी लवकरात लवकर काढावी
अशी मागणी केली आहे. निवेदनात त्यांनी म्हटले की, खराडी चंदननगर परिसरात असणाऱ्या समस्यांचे निराकरण केले
जात नाही. त्यामध्ये नदीपात्रात असलेली जलपर्णी व त्यामुळे होणारे डास ह्या सर्व तक्रारी वेळेवर सोडवल्याजात नाहीत.
नदी काठी असलेले नागरिक या वाढत्या जलपर्णीमुळे त्रस्त झाले आहेत.
मुळा मुठा नदीपात्रात साचलेल्या जलपर्णीमुळे परिसरात डासांचे प्रमाण मोठ्या प्रमाणात वाढलेले आहे.
त्यामुळे नागरिकांच्या आरोग्याचा प्रश्न निर्माण झाला आहे. त्यामुळे या ठिकाणी आपण स्वत: भेट देऊन पाहणी करावी.
तसेच लवकरात लवकर नदीपात्रातील जलपर्णी काढण्याचे आदेश देण्यात यावेत, अशी मागणी निवेदनाद्वारे केली आहे.
Join our WhatsApp Group, Telegram, facebook page and Twitter for every update
हे देखील वाचा