Raigad Crime News | कर्जबाजारीपणाला कंटाळून शिक्षकाची राहत्या घरी गळफास घेऊन आत्महत्या
file photoरायगड : पोलीसनामा ऑनलाईन – Raigad Crime News | राज्यात आत्महत्यांचे प्रमाण वाढले आहे. लोक शुल्लक कारणावरून आत्महत्येसारखा टोकाचा निर्णय घेत आहेत. अशीच एक घटना रायगड जिल्ह्यातील महाड तालुक्यात घडली आहे. महाड तालुक्यातील वरंध या ठिकाणी शुक्रवारी दुपारी साडेतीनच्या सुमारास जिल्हा परिषद शाळेतील एका शिक्षकाने आत्महत्या (Suicide) केली आहे. संतोष ज्ञानेश्वर मेमाणे (रा. वरंध तालुका महाड, मूळ रा. सासवड, जिल्हा पुणे) असे आत्महत्या करणाऱ्या शिक्षकाचे नाव आहे. (Raigad Crime News)
काय आहे नेमके प्रकरण?
संतोष ज्ञानेश्वर मेमाणे यांनी वरंध येथील राहत्या घरामध्ये छताच्या फॅनला दोरीच्या साह्याने गळफास घेऊन आत्महत्या केली आहे. संतोष यांनी आत्महत्येपूर्वी एक चिट्ठी लिहिली आहे. यामध्ये त्यांनी आत्महत्या करण्याचे कारण लिहिले आहे. मृत संतोष मेमाणे हे रायगड जिल्हा परिषद शाळा भावे चौधरीवाडी इथे शिक्षक म्हणून कार्यरत होते. (Raigad Crime News)
काय लिहिले चिट्ठीमध्ये?
मृत संतोष यांनी कर्जबाजारीपणाला कंटाळून आत्महत्या करत असल्याचे सुसाईड नोटमध्ये लिहिले आहे. संतोष यांचा मृतदेह बिरवाडी प्राथमिक आरोग्य केंद्र इथे शवविच्छेदनाकरिता पाठविण्यात आला आहे. या मृत्यूप्रकरणी महाड एमआयडीसी पोलीस ठाणे या ठिकाणी आकस्मिक मृत्यूची नोंद करण्यात आली आहे. सहाय्यक पोलीस निरीक्षक मारुती आंधळे यांच्या मार्गदर्शनाखाली पोलीस हवालदार गोरेगावकर या प्रकरणाचा पुढील तपास करत आहेत.
Web Title : Raigad Crime News | a 33 year old teacher committed suicide due to debt incident at mahad raigad
Join our WhatsApp Group, Telegram, facebook page and Twitter for every update
हे देखील वाचा