Sindhudurga Boat Accident | उजनी पाठोपाठ सिंधुदुर्गात बोट दुर्घटना! बर्फ घेऊन जाणारी बोट उलटल्याने दोघांचा बुडून मृत्यू, 2 जण बेपत्ता
सिंधुदुर्ग : Sindhudurga Boat Accident | उजनी धरण जलाशयात बोट उलटल्याने ६ जण बुडून मरण पावल्याची घटना ताजी (Ujani Dam Back Water Accident) असतानाच आता सिंधुदुर्गात सुद्धा बोट बुडाल्याची घटना घडली आहे. सिंधुदुर्गातील वेंगुर्ले बंदरात बर्फ घेऊ जाणारी एक बोट उलटली आहे. यामध्ये २ जणांचा मृत्यू झाला असून दोन जण बेपत्ता आहेत. बेपत्ता व्यक्तींचा शोध घेण्याची कार्य सुरू आहे.(Sindhudurga Boat Accident)
वेंगुर्ले बंदरात रात्री मच्छिमार बोटींना लागणारा बर्फ घेऊन निघालेली एक बोट उलटली. या बोटीत ७ खलाशी होते. बोट उलटल्यानंतर ३ जणांनी पोहत किनारा गाठला. तर ४ जण बेपत्ता होते, त्यापैकी दोघांचे मृतदेह सापडले तर २ जण अजूनही बेपत्ता आहे.
जोरदार वादळी वारे सुटल्याने ही बोट उलटली असावी असा प्राथमिक अंदाज आहे. बेपत्ता खलाशांपैकी एकजण रत्नागिरीचा तर १ जण मध्यप्रदेशातील असल्याचे समजते. अन्य होड्यांमधून त्या खलाशांना वाचविण्यासाठी शोध कार्य सुरू आहे.
Join our WhatsApp Group, Telegram, facebook page and Twitter for every update
हे देखील वाचा
Pune Crime Branch | पुणे : गुन्हे शाखेकडून सराईत गुन्हेगाराला अटक, दोन पिस्टल व चार राऊंड जप्त