पुन्हा एकदा शिवराज सिंह यांच्यावर वरचढ ठरला ‘हा’ IAS, सीएमच्या घोषणे अगोदरच काढला आदेश

भोपाळ : आपल्या चौथ्या कार्यकाळात मुख्यमंत्री शिवराज सिंह चौहाण (Chief Minister Shivraj Singh Chouhan) पूर्ण ताकदीसह आपल्या प्रशासकीय क्षमता दर्शवण्याचा प्रयत्न करत आहेत, परंतु सीएमचे हे तमाम प्रयत्न मागील वेळेप्रमाणे यावेळीही केवळ सोपस्कार उरकण्यासारखे दिसत आहे. स्थिती ही आहे की, अधिकार्‍यांमध्ये अजूनही शिवराज सिंह चौहाण (Chief Minister Shivraj Singh Chouhan)
याच्याबाबत ते वातावरण दिसत नाही, जे आपल्या 15 महिन्याच्या कार्यकाळात कमलनाथ यांनी जाहीर केले होते. यासंबंधीचे एक प्रकरण सामान्य प्रशासन विभागाचे सचिव डॉ. श्रीनिवास शर्मा यांनी समोर ठेवले आहे.

25 डिसेंबरला होशंगाबादमध्ये सीएम शिवराज यांनी सुशासन दिनाच्या निमित्ताने राज्यात सीएम सिटीजन केयर योजनेची घोषणा केली होती. परंतु, आयएएस शर्मा यांनी ही योजना लागू करण्यासाठी दोन दिवस अगोदरच प्रशासकीय आदेश जारी करून तो सार्वजनिक केला होता. प्रोटोकॉलनुसार, सीएमच्या घोषणेच्या अगोदर कोणताही प्रशासकीय आदेश जारी करता येत नाही. परंतु जीएडी सचिव डॉ. शर्मा यांनी मुख्यमंत्र्यांच्या या घोषणेसंबंधीचा आदेश 23 डिसेंबरलाच जारी केला, तर घोषणा 25 डिसेंबरला केली गेली, जी एक मोठी चूक आहे.

अगोदरही झाले होते शिवराज यांच्यासाठी टेन्शन
लोकसभा निवडणूक 2019 मध्ये प्रचारादरम्यान श्रीनिवास शर्मा हे शिवराज सिंह यांच्यासाठी समस्येचे कारण बनले होते. त्यावेळी माजी सीएम म्हणून शिवराज सिंह प्रचार करण्यासाठी छिंदवाडा येथे जात होते, तेव्हा शर्मा छिंदवाडामध्ये कलेक्टर पदावर कार्यरत होते आणि त्यांनी जिल्ह्यात शिवराज सिंह यांचे हॅलिकॉप्टर लँड होऊ दिले नव्हते. यानंतर शिवराज यांनी निवडणूक आयोगाकडे तक्रार सुद्धा केली होती. त्यावेळी श्रीनिवास शर्मा यांच्यावर कमलनाथ यांच्या इशार्‍यावरून काम करण्याचा आरोप सुद्धा केला होता.