कानपूरमधील ‘शासकीय शेल्टर होम’ मध्ये 57 मुलींना ‘कोरोना’ची लागण, त्यापैकी 7 गर्भवती आणि एक HIV पॉझिटिव्ह

नवी दिल्ली : वृत्तसंस्था – उत्तर प्रदेशच्या कानपूर जिल्ह्यात राज्य सरकारद्वारा चालविण्यात आलेल्या बालिका संरक्षण गृहात (Girl Child Protection Home) रविवारी 57 मुलींना कोरोना विषाणूची लागण झाली आहे. या बातमीनंतर प्रशासनात खळबळ उडाली आहे. सर्व मुलींना उपचारासाठी रुग्णालयात दाखल करण्यात आले आहे. गर्ल चाइल्ड प्रोटेक्शन होममध्ये राहणाऱ्या 57 कोविड -19 ने संक्रमित मुलींपैकी सात मुली गरोदर असल्याचे आढळले आहे. याची पुष्टी देताना जिल्हा न्यायदंडाधिकारी ब्रह्मदेव राम तिवारी यांनी रविवारी सांगितले की, गरोदर आढळलेल्या पाच मुलींनाही कोविड -19 ची लागण झाल्याचे आढळून आले आहे. या मुलींना आग्रा, एटा, कन्नौज, फिरोजाबाद आणि कानपूरच्या बाल कल्याण समित्यांद्वारा कानपूर रेफर करण्यात आले होते.

ते म्हणाले की इतर दोन गर्भवती मुलींना कोविड -19 मुळे संसर्ग झालेला नाही. कानपूर येथील बालिका संरक्षणगृहात आणल्या गेल्या तेव्हा या सर्व मुली गर्भवती होत्या. तिवारी म्हणाले की संसर्ग झालेल्या दोन मुलींवर लाला लाजपत राय रुग्णालयात उपचार सुरू आहेत, तर उर्वरित तिघींवर खासगी रुग्णालयात उपचार सुरू आहेत.

All 5 were already pregnant when they were brought at the shelter home. Other than that, 2 other pregnant girls living at the shelter have tested negative for #COVID19: Brahma Deo Ram Tiwari, District Magistrate https://t.co/LQmBbH17pX

— ANI UP/Uttarakhand (@ANINewsUP) June 21, 2020

त्याचबरोबर या संपूर्ण प्रकरणालाही राजकीय वळण लागले आहे. कॉंग्रेस सरचिटणीस प्रियंका गांधी यांनी बालिका संरक्षण गृह प्रकरणावर राज्य सरकारकडे अनेक प्रश्न उपस्थित केले. त्यांनी फेसबुकवर लिहिले आहे की, शेल्टर होम मध्ये कानपूर येथील शासकीय बालिका संरक्षण गृहात 57 मुलींच्या कोरोनाची तपासणी केल्यावर 2 मुली गरोदर असल्याचे आढळले आणि एकीला एड्स पॉझिटिव्ह असल्याचे आढळले.

मुजफ्फरपूर (बिहार) येथील बालिका गृहाची संपूर्ण कहाणी देशासमोर आली आहे. यूपीमधील देवरिया येथून देखील असाच प्रकार उघडकीस आला होता. अशा परिस्थितीत पुन्हा अशी घटना समोर आल्याने असे दिसून येते की तपासाच्या नावाखाली सर्व काही दडपण्यात येते, परंतु सरकारी बाल संरक्षण गृहात अत्यंत अमानुष घटना घडत आहेत.

मुख्यमंत्री योगी आदित्यनाथ यांनी आता या प्रकरणाची दखल घेत जिल्हाधिकाऱ्यांशी चर्चा केली आहे. राज्य महिला आयोगाच्या अध्यक्षा विमाल माथुल यांनीही याबाबत डीएमशी बोलून पूर्ण माहिती घेतली आहे. असे सांगितले जात आहे की यापैकी एका मुलीला एचआयव्ही आहे आणि एका मुलीला हेपेटायटीस सी चा त्रास आहे.