Why Share Market Is Going Down | अखेर का कोसळत आहे भारतीय शेयर बाजार ? प्रत्येक गुंतवणुकदाराने जाणून घेतली पाहिजेत ‘ही’ कारणे
file photoनवी दिल्ली : वृत्तसंस्था – Why Share Market Is Going Down | तुम्ही असा विचार करत असाल की, गेल्या काही महिन्यांपासून भारतीय शेअर बाजार (Indian Share Market) का घसरत आहे ? 2022 मध्ये Sensex 10 टक्क्यांहून जास्त घसरला आहे. त्याचप्रमाणे NIFTY मध्येही याच कालावधीत घट झाली आहे. आज, 12 मे, गुरुवारी देखील निफ्टी आणि सेन्सेक्स गॅपडाऊन खुले झाले आणि नंतर आणखी कोसळले. दुपारी अडीच वाजेपर्यंत सेन्सेक्स 1280 आणि निफ्टी 418 अंकांच्या घसरणीसह व्यवहार करत होते. वास्तविक, अशा घसरणीचे केवळ भारताच्या शेअर बाजारावरच नाही, तर जगभरातील बाजारांवरही असेच संकट आहे. (Why Share Market Is Going Down)
हे संकट जगभरातील सर्वच बाजारपेठांमध्ये असल्याने कोणत्याही एका देशाची स्थिती त्यासाठी जबाबदार धरता येणार नाही. याला जागतिक संकट म्हणणे चुकीचे नाही. आणि यामध्ये एक घटक कार्यरत नसून अनेक भिन्न घटक आहेत. तर या बातमीत आम्ही तुम्हाला त्या सर्व घटकांबद्दल सांगणार आहोत, जे सध्या मार्केटला डोके वर काढू देत नाहीत. (Why Share Market Is Going Down)
रशिया – युक्रेन संकट (Russia Ukraine Crisis)
या वर्षी 24 फेब्रुवारीला रशियाने युक्रेनवर हल्ला केला (Russia Ukraine War). युक्रेनला नाटोमध्ये सामील व्हायचे होते, जे रशियाला आवडले नव्हते. नाटोने युक्रेनला मागून पाठिंबा दिला, पण युक्रेनच्या वतीने उघडपणे मैदानात उतरले नाही. 10 – 15 दिवसांत प्रकरण मिटेल, असे वाटत होते. मात्र आता दोन महिने पूर्ण होतील, मात्र अद्यापही तोडगा निघालेला नाही.
या संकटामुळे जगभर महागाई वाढू लागली आहे. कच्च्या तेलाचे भाव गगनाला भिडू लागले आहेत. गव्हाच्या मोठ्या उत्पादक देशांपैकी युक्रेन या वेळी इतर देशांना गहू देऊ शकणार नाही. अशावेळी महागाई सातत्याने वाढत आहे. चलनवाढीमुळे जगभरातील सरकारांना अर्थव्यवस्थेबाबत कठोर निर्णय घेणे भाग पडत आहे, ज्याचा थेट परिणाम बाजारावर होत आहे. रशिया – युक्रेन संकट लांबले, तर बाजारात आणखी घसरण होण्याची शक्यता आहे.
—
अमेरिकेचा महागाई दर
भारतीय बाजार अमेरिकेच्या शेअर बाजाराला (The New York Stock Exchange) खूप फॉलो करतात.
पण 30 मार्च 2022 रोजीच नॅस्डॅक 20 टक्क्यांहून जास्त घसरला आहे. अशावेळी भारतीय बाजारातही नकारात्मकता आहे.
किंबहुना, अमेरिकन बाजार घसरण्याचे मुख्य कारण म्हणजे तेथील महागाई दर 40 वर्षांतील सर्वोच्च पातळीवर पोहोचला आहे.
अशावेळी अमेरिकन फेडरल रिझर्व्हकडे व्याजदर वाढवण्याशिवाय दुसरा पर्याय उरला नव्हता.
फेडरलने दोनदा अर्धा ते दीड टक्के वाढ केली आहे. अमेरिकेतील व्याजदरात झालेल्या वाढीमुळे भारतासह उदयोन्मुख बाजारपेठांमधील मोठ्या गुंतवणूकदारांचे हित कमी झाले आहे. परदेशी फंड सतत बाजारांसाठी खेचला जात आहे.
मनीकंट्रोलमधील एका बातमीनुसार परदेशी गुंतवणूकदार गेल्या वर्षभरापासून भारतीय बाजारातून पैसे काढून घेत आहेत. आता त्यांनी विक्री वाढवली आहे. या वर्षात आतापर्यंत परदेशी फंडांनी भारतीय बाजारात 1,44,565 कोटी रुपयांची विक्री केली आहे. एकट्या मे महिन्यात त्यांनी 17,403 कोटी रुपयांची विक्री केली आहे. मात्र, म्युच्युअल फंडासारख्या देशांतर्गत मोठ्या गुंतवणूकदारांनी खरेदी करून बाजार सावरण्याचा प्रयत्न केला आहे.
—
आता पुढे काय ?
रशिया – युक्रेन संकटावर तोडगा लवकर निघण्याची शक्यता नाही. पण अमेरिकेत महागाईत थोडीशी घट झाली आहे.
परंतु तज्ञ अद्याप त्यास फारसे सकारात्मक मानत नाहीत. मार्चमध्ये अमेरिकेतील महागाईचा दर 8.5 टक्के होता.
बुधवारी, अमेरिकेतील एप्रिलचा महागाई दर 8.3 टक्क्यांवर आला आहे, जो अंदाजापेक्षा (8.1 टक्के) जास्त आहे.
अशा परिस्थितीत आगामी काळात फेडरल रिझर्व्ह आक्रमकपणे व्याजदरात वाढ करू शकते, असे समजते.
याच कारणामुळे बुधवारी पुन्हा एकदा अमेरिकन बाजारात मोठी घसरण झाली.
त्याचा परिणाम भारतासह इतर बाजारांवर झाला. दुसरीकडे, डॉलरने दोन दशकांतील उच्चांक गाठला आहे.
याचे कारण अमेरिकेतील व्याजदरात वाढ होत आहे. डॉलरच्या मजबूतीमुळे भारतासह उदयोन्मुख बाजारपेठांवरही परिणाम होत आहे.
जगातील प्रमुख 6 चलनांच्या बास्केटच्या तुलनेत डॉलरचा निर्देशांक 103 च्या पुढे गेला आहे.
हे भारतासह अनेक उदयोन्मुख अर्थव्यवस्थांसाठी चांगले नाही.
Web Title :- Why Share Market Is Going Down | why share market is going down here is the biggest reason of this fall
Join our WhatsApp Group, Telegram, facebook page and Twitter for every update