नवी दिल्ली : वृत्तसंस्था – कधीकाळी जगातील सर्वात लोकप्रिय पॉर्नस्टार असलेल्या महिलेला आज एका भुयारात दिवस काढायला लागत असून तिची आर्थिक अवस्था देखील खूप बेकार झाली आहे. एका वाहिनीने या महिलेला जगासमोर आणले असून 37 वर्षीय जेनी ली उर्फ स्टीफनी सॅडोरा असे तिचे नाव आहे. जगातील सर्वात यशस्वी पॉर्नस्टार मध्ये तिची गणना होत असे.
लास वेगासमधील भुयारात बनवत असलेल्या डॉक्यूमेंट्रीवेळी या पॉर्नस्टारचा खुलासा झाला. शहरामध्ये मोठ्या प्रमाणात पुराचे पाणी साठू नये म्हणून हि भुयारे बनविण्यात आली आहेत. 320 किलोमीटर लांबीच्या या भुयारी मार्गात 300 अंमली पदार्थांचे व्यसनी लोकं राहत आहेत.
एका सर्व्हेच्या नुसार जेनी ली हि जागतिक पॉर्नस्टारच्या यादीत 119 व्या क्रमांकावर असून आजही जगभरातील 45 हजार लोकांनी तिच्या व्हिडीओना सब्सक्राइब केले आहे. मात्र आता तिला तिचे आयुष्य या भुयारात काढावे लागत असून तिने म्हटले आहे कि, ती आता कधीही या भुयाराच्या बाहेर येणार नाही. तिने म्हटले कि, तिला जे हवे ते सगळे या भुयारात उपलब्ध असून माझे इथे खरे मित्र आहे. मात्र तिला या ठिकाणी का यावे लागले याचा मात्र खुलासा झालेला नाही.
दरम्यान, या ठिकाणी जीवन जगणे अवघड असून काहीवेळा पोलीस याठिकाणी आरोपीना पकडण्यासाठी येत असतात तर काही वेळा मोठ्या प्रमाणात आलेल्या पुराच्या पाण्याचा देखील मोठा धोका असतो.
