जगातील सर्वात मोठं धरण : याला बांधण्यासाठी आला अडीच लाख कोटींपेक्षा अधिक खर्च, जाणून घ्या

पोलिसनामा ऑनलाईन – जगात अनेक बंधारे बांधले गेले आहेत, त्यातील काही खूप मोठी आहेत. काही फार लांब आहेत. पण, तुम्हाला माहिती आहे का? जगातील सर्वात मोठं धरण कोणतं आहे?, नाही ना.. जगातील सर्वात मोठं धरण चीन देशात आहे, ज्याचे नाव आहे ’थ्री गॉर्जेस डॅम’.

इंटरनॅशनल वॉटर पॉवर अँड डॅम कन्स्ट्रक्शन वर्तमानपत्रानुसार, 2.3 किलोमीटर लांबीचे, 115 मीटर रुंद आणि 185 मीटर उंच असे हे जगातील सर्वात मोठे जलविद्युत धरण आहे. जगातील तिसर्‍या क्रमांकाची नदी मानल्या जाणार्‍या चीनच्या हुबेई प्रांतातील याँग्झी नदीवर धरण बांधले गेलेले आहे. या नदीची लांबी सहा हजार किलोमीटरपेक्षा अधिक आहे.

असं म्हणतात की, हे विशाल धरण बांधण्यासाठी अडीच लाख कोटींपेक्षा जास्त खर्च आला आहे. ते तयार करण्यास 18 वर्षांचा कालावधी लागला आहे. त्याचे बांधकाम वर्ष 1994 मध्ये सुरू झाले आणि ते 2012 मध्ये पूर्ण झाले आहे.

असे म्हणतात की, ’थ्री गॉर्जेस डॅम’ तयार करण्यासाठी 4 लाख 63 हजार टन स्टीलचा वापर करण्यात आला आहे. बरीच आयफेल टॉवर्स या स्टीलमध्ये उभे केले जाऊ शकतात. चीनचे हे धरण अमेरिकेच्या महान हूवर धरणापेक्षा 11 पट अधिक वीज निर्मिती करू शकते. एका अंदाजानुसार, त्यात 22,400 मेगावॅट ऊर्जा निर्मितीची क्षमता आहे, म्हणजेच वीज निर्मितीमध्ये कोणही तोडीस तोड नाही.

असे म्हणतात की, या धरणाच्या जलाशयात इतके पाणी साचले आहे की त्याचा पृथ्वीवरील जडपणावर परिणाम झालाय. यामुळे पृथ्वीच्या फिरण्याच्या गतीने थोडा वेग मंदावला आहे. दिवसाची वेळ 0.06 मायक्रोसेकँड्सने वाढली आहे, जेव्हा पृथ्वीची फिरतानाची गती कमी होत आहे, म्हणजे दिवस थोडा जास्त झाला आहे. या व्यतिरिक्त असेही म्हणतात की, या धरणाच्या बांधकामामुळे उत्तर आणि दक्षिण ध्रुवदेखील आपापल्या ठिकाणाहून 2-2 सेंटीमीटर अंतरावर गेले आहेत, तर पृथ्वी इतर ध्रुवावर किंचित सपाट झाली.