लेह (लडाख) : वृत्तसंस्था
आंतरराष्ट्रीय योगदिनानिमित्त देशभरात उत्साह दिसून येत आहे. दरम्यान, चीनच्या सीमेवर गस्त घालणाऱ्या इंडो तिबेटीयन पोलीस दलाच्या जवानांनीही (आयटीबीपी) योग दिनामध्ये सहभाग घेताना लडाखमध्ये समुद्र सपाटीपासून १८ हजार फुटांवर योगसाधना केली.
आज जगभरात आंतरराष्ट्रीय योग दिन साजरा करण्यात येत असून सर्वत्र उत्साह दिसून येत आहे. त्यात लष्कराच्या तिन्ही दलांनी सहभाग घेतला आहे.
नौदलाच्या सैनिकांनी युद्ध नौकांवर योगसाधना केली. तर सीमेवरही गस्त घालणाºया जवानांनी योग प्रात्याक्षिके सादर केली.
लडाख येथील १८ हजार फुटावर इंडो तिबेटीयन पोलीस दलाकडून सीमेवर गस्त घालण्यात येते १२ ही महिने बर्फाच्छादित असलेल्या या ठिकाणी अतिशय कठीण परिस्थितीशी सामना करीत हे जवान सीमेचे रक्षण करीत असतात. हे जवानही योगदिनामध्ये सहभागी झाले आहेत.
इंडो तिबेटीयन पोलीस दलाच्या जवानांचा योगसाधना करतानाचा व्हिडीओ एएनआय या वृत्तसंस्थेने शेअर केला असून, या व्हिडीओमध्ये लडाखमधील बर्फाच्छादित मैदानात आयटीबीपीचे जवान सूर्यनमस्कार घालताना दिसत आहेत.
पंतप्रधानाची योगसाधना