मनोरंजनमुंबई

‘जेव्हा पहिल्यांदा वडिलांना रडताना पाहिलं’ अमिताभनं शेअर केला थ्रोबॅक फोटो

amitabh-bacchan File Photo

मुंबई : पोलीसनामा ऑनलाइन – बॉलिवूड सुपरस्टार अमिताभ बच्चन( amitabh bachchan) यांनीही आयुष्यातील अनेक प्रसंगी मृत्यूला हुलकावणी दिली आहे. आजपासून 38 वर्षांपूर्वी अमिताभ बच्चन यांच्यासमवेत मोठा अपघात झाला होता. आपल्या कुली चित्रपटाच्या शूटिंग दरम्यान ते गंभीर जखमी झाले होते. त्यांनी बराच काळ रुग्णालयात लढा दिला होता. त्या अपघाताबद्दल सर्वांना माहिती आहे. या घटनेची आठवण करून देत अमिताभ बच्चन यांनी सोशल मीडियावर एक भावनिक पोस्ट शेअर केली आहे.

जेव्हा रडले होते अमिताभचे वडील
ट्विटरवर अमिताभ बच्चन यांचे 45 मिलियन फॉलोअर्स आहेत. यावेळी अभिनेत्याच्या एका चाहत्याने सोशल मीडियावर एक थ्रोबॅक फोटो शेअर केला ज्यात अमिताभ बच्चन आपले वडील आणि अभिषेक सोबत दिसत आहेत. त्या चाहत्याने तर केवळ महानायकाचे अभिनंदन केले होते, परंतु अभिनेत्याच्या जुन्या आठवणी ताज्या झाल्या. तो फोटो शेअर करताना अमिताभ बच्चन यांनी मागची कहाणी सांगितली. ते सांगतात- एक चाहता मला सांगत आहे की माझे 45 मिलियन फॉलोअर्स झाले आहेत. पण हा फोटो बरेच काही सांगत आहे. ही वेळ ती होती जेव्हा मी कुली चित्रपटाच्या शूटिंग दरम्यान झालेल्या अपघातातून सावरल्यावर घरी परतलो होतो. हे असे पहिल्यांदाच घडत होते की जेव्हा मी माझ्या वडिलांना तुटताना पाहिले. अभिषेकही मोठ्या काळजीने माझ्याकडे पहात होता.

अमिताभ यांची भावनिक पोस्ट
बिग बीची ही भावनिक पोस्ट सोशल मीडियावर व्हायरल झाली आहे. सर्व चाहत्यांची देखील ती वेदना ताजी झाली जेव्हा ते केवळ अभिनेत्याच्या हितासाठीच प्रार्थना करत होते. या व्हायरल फोटोवर चाहत्यांचा सतत प्रतिसाद येत आहे. आता म्हणायला तर ही पोस्ट 45 मिलियन फॉलोअर्सच्या संदर्भात होती, परंतु येथे प्रत्येकाचे लक्ष 38 वर्षांपूर्वी घडलेल्या त्या घटनेकडे वळले आहे.

महानायकाची करिअरमध्ये मोठी झेप
विशेष म्हणजे त्या एका घटनेनंतर अमिताभ बच्चन यांच्या आयुष्यात बरेच बदल घडून आले. आपल्या कारकीर्दीत त्यांनी एक वेगळे स्थान प्राप्त केले आहे आणि आता संपूर्ण जग त्यांच्याकडे एक महापुरुष म्हणून पाहत आहे. वयाच्या 78 व्या वर्षीही त्यांच्याकडे कामाची कोणतीही कमतरता नाही. ते टीव्हीवरही सक्रिय दिसतात आणि चित्रपटांमध्येही त्यांचे वर्चस्व आहे.