आरक्षणासंदर्भात कंगना राणावतचं मोठं विधान, ब्राह्मणांच्या स्थितीवर दु:ख व्यक्त करत केलं ट्विट

मुंबई : पोलीसनामा ऑनलाइन – बॉलिवूड अभिनेत्री कंगना राणावत ट्विटरवर आल्यापासून ती सोशल मीडियावर बरीच अ‍ॅक्टिव दिसत आहे. आता ती प्रत्येक विषयावर आपले मत ट्विट करत आहे. आता कंगनाने आरक्षणासारख्या विषयावर आपले मत दिले आहे. या ट्वीटमध्ये कंगनाने ब्राह्मणांच्या परिस्थितीबद्दल दु:ख व्यक्त केले आणि म्हटले की गरिबीच्या जोरावर आरक्षण दिले जावे.

कंगनाने आपल्या ट्विटमध्ये लिहिले आहे की, ‘दारिद्र्याच्या आधारे आरक्षण दिले जावे. जातीच्या नावावर आरक्षण असू नये. मला माहित आहे की राजपूत समाज खूप संकटात आहे, परंतु ब्राह्मणांचीही स्थिती पाहून हे फार वाईट आहे.

आपल्या ट्विटमध्ये कंगनाने ब्राह्मणांचा उल्लेख केला आहे, कारण एका वापरकर्त्याने एक पोस्ट शेअर करुन त्यांना सांगितले की 55 टक्के ब्राम्हण हे असे आहेत जे दारिद्र्य रेषेखाली जगतात. कंगनाचे हे ट्विट आता सोशल मीडियावर व्हायरल होत आहे.

कंगना आणि रंगोलीवर एफआयआर
दुसरीकडे कंगना रनौत आणि तिची बहीण रंगोली चंदेल यांच्यावर धार्मिक भावना दुखावल्याबद्दल एफआयआर दाखल करण्यात आला आहे. मुंबई पोलिसांनी बॉलिवूड अभिनेत्री कंगना आणि तिची बहीण यांना समन्स बजावून पुढील आठवड्यात हजर राहण्यास सांगितले आहे. हे समन्स पाहिल्यानंतर कंगना रनौतनी एका ट्विटमध्ये लिहिले की- ‘पॅशनिएट पेंग्विन सेना.. महाराष्ट्राचा पप्पुप्रो, क-क-क-कंगना, काही हरकत नाही लवकरच परत येईन.’

You might also like