Coronavirus Impact : ‘कोरोना’मुळं कमाई होत नसल्यानं Coffee Cafe Day नं बंद केले आपले तब्बल ‘इतके’ आऊटलेट, जाणून घ्या

नवी दिल्ली : वृत्तसंस्था –   कॉफी रेस्टॉरंटची श्रृंखला कॅफे कॉफी डेने उत्पन्न आणि खर्चाच्या शक्यतेचा हिशेब करून चालू आर्थिक वर्षाच्या पहिल्या तिमाहीत 280 रेस्टॉरंट बंद केले. यामुळे त्यांच्या रेस्टॉरंटची संख्या कमी होऊन 30 जून 2020 ला 1,480 झाली आहे. कॅफे कॉफी डे ब्रँडची मालकी कॉफी डे ग्लोबलकडे आहे, जी कॉफी डे एंटरप्रायजेस लिमिटेड (सीडीईएल) ची सहायक कंपनी आहे.

कंपनीने एका वक्तव्यात सोमवारी म्हटले की, त्यांच्या कॅफेची सरसरी विक्री एप्रिल-जून तिमाहीच्या दरम्यान कमी होऊन 15,445 रुपये झाली आहे, जी मागच्या आर्थिक वर्षात समान कालावधीत 15,739 रुपये होती. परंतु, त्यांच्या कॉफी वेंडिंग मशीनची संख्या तिमाहीमध्ये वाढून 59,115 झाली आहे, जी एक वर्षापूर्वी समान कालावधीत 49,397 होती.

कंपनीने म्हटले, कमी मार्जिनमुळे निर्यात व्यापार सध्या ठप्प पडला आहे. तर जास्त खेळत्या भांडवलाची आवश्यकता, फायदे, भविष्यातील खर्च इत्यादीचा विचार करून कंपनीने आपली सुमारे 280 रेस्टॉरंट बंद केली आहेत.

कंपनीचे प्रवर्तक व्ही. जी. सिद्धार्थ यांच्या मृत्युनंतर कंपनी आपल्या मुख्य उद्योगातून इतर संपत्ती विकून आपले कर्जाचे ओझे कमी करण्याचा प्रयत्न करत आहे. यावर्षी मार्चमध्ये कंपनीने 13 कर्जदात्यांचे 1,644 कोटी रूपये परत करण्याची सुद्धा घोषणा केली होती.