डोळे लाल होण्याची ‘ही’ आहेत कारणे, ‘या’ 4 प्रकारे काळजी घ्या आणि इन्फेक्शनपासून दूर रहा, जाणून घ्या लक्षणे

पोलीसनामा ऑनलाइन – डोळ्यांच्या कंजेक्टिवायटीस आजाराची समस्या पावसाळ्यात नेहमीच दिसून येते. तसेच डोळे येण्याची समस्या सुद्धा होते. कंजेक्टिवायटीस आजारात डोळ्याच्या बुबुळांचा भाग सोडून आजूबाजूच्या भागात एक थर तयार होतो. त्याला कंजेक्टिवा असं म्हणतात. हा आजार बॅक्टेरिअल, व्हायरल संक्रमण किंवा अ‍ॅलर्जीमुळे होतो. डोळ्यांना सूज येते. हे इन्फेक्शन घातक नाही. धूळ, घाण, किटाणू यांमुळे हा आजार उद्भवतो. पण वेळेवर डॉक्टरांचा सल्ला न घेतल्यास समस्या वाढू शकते. वातावरणातील बदलांमुळे डोळे येतात. डोळे येऊ नयेत म्हणून कोणती काळजी घ्यावी ते जाणून घेवूयात…

ही आहेत लक्षणे

1 डोळे लाल होणे
2 डोळयांमध्ये जळजळ होणे
3 सूज येणे
4 खाज येऊन डोळ्यातून पाणी येणे

अशी घ्या काळजी
1 हात नेहमी स्वच्छ ठेवा, अस्वच्छ हातांनी डोळ्यांना स्पर्श करू नका.
2 रुमालाने डोळे पूसत राहा, तसेच पाण्याने स्वच्छ धुवा
3 आजारी व्यक्तीच्या कपड्यांचा वापर करू नका
4 घरातून बाहेर पडताना चष्म्याचा वापर करा.

फक्त डोळे लाल झाले असतील आणि इतर कोणत्याही प्रकारच्या शारीरिक समस्या नसतील तर डोळे येणे हे कारण असू शकतं. मात्र इतर समस्याही असतील तर डॉक्टरांकडे जा.