Coronavirus : मोदी सरकारचा आणखी एक मोठा निर्णय ! व्हेंटिलेटर्स, मास्क, PPE वरील टॅक्स रद्द
union budgetनवी दिल्ली : वृत्तसंस्था – कोरोना व्हायरस साथीच्या आजारावर मात करण्यासाठी केंद्र सरकारने एक मोठा निर्णय घेतला असून मास्क आणि व्हेंटिलेटरसारखे वैद्यकीय उपकरणे स्वस्त करण्यासाठी त्यांच्यावरील सर्व कर काढून टाकला आहे. केंद्र सरकारने या वैद्यकीय उपकरणांमधून कस्टम ड्यूटी आणि हेल्थ सेस काढून टाकला आहे. 30 सप्टेंबर 2020 पर्यंत काही वैद्यकीय उपकरणांवर कोणतीही शुल्क आकारला जाणार नाही, असे भारत सरकारने म्हटले आहे.
सरकारने रद्द केला कर
अर्थ मंत्रालयाने यासंदर्भात एक प्रसिद्धीपत्रक जारी केले आहे. यानुसार कोविड -१९ च्या संसर्गामुळे, व्हेंटिलेटर आणि इतर आवश्यक गोष्टी त्वरित आवश्यक आहेत. म्हणूनच सरकारने सध्या त्यावरील ड्युटी आणि हेल्थ सेस मागे घेतला आहे. त्वरित परिणामी, कोविड -१९ चाचणी किट्स, व्हेंटिलेटर, फेसमास्क, सर्जिकल मास्क, वैयक्तिक संरक्षण उपकरणे यावरून मेडिकल सेस आणि ड्युटी काढून टाकण्यात आली आहे.
दरम्यान, जगभरात दीड लाखाहून अधिक लोकांना कोरोना व्हायरसची लागण झाली आहे. त्याच वेळी त्यातून ९० हजार लोक मरण पावले आहेत. भारतात कोरोनाव्हायरसमुळे ६००० हून अधिक लोकांना संसर्ग झाला असून १६६ लोकांचा मृत्यू झाला आहे. गुरुवारी सरकारने १५,००० कोटी रुपयांच्या कोविड -१९ इमर्जन्सी फंडला मान्यता दिली. या पॅकेजच्या नावाला इंडिया कोविड -१९ इमर्जन्सी रिस्पॉन्स अँड हेल्थ सिस्टम प्रीप्रेयर्डनेस पॅकेज देण्यात आले आहे. राज्य आरोग्य यंत्रणेच्या दुरुस्तीच्या उद्देशाने राज्य आणि केंद्रशासित प्रदेशांना संपूर्ण निधी देण्यास केंद्र सरकारने मान्यता दिली आहे.