Corporator Sainath Babar | मनसेच्या शहर अध्यक्षस्थानी साईनाथ बाबर यांची नियुक्ती; वसंत मोरे यांना हटवले
पुणे : पोलीसनामा ऑनलाइन – Corporator Sainath Babar | गुढीपाडवा मेळाव्यात बोलताना महाराष्ट्र नवनिर्माण सेनेचे (MNS) अध्यक्ष राज ठाकरे (Raj Thackeray) यांनी ‘मशिदीवरील भोंगे उतरवा अन्यथा आम्ही मशिदींसमोर हनुमान चालिसा लावू,’ असा इशारा दिला होता. त्यानंतर अनेक मनसे कार्यकर्ते नाराज झाल्याचं पाहायला मिळालं. यावरुन ‘ठाकरे यांच्या भाषणामुळे आपण बेचैन असल्याचे,’ मत पुण्याचे शहराध्यक्ष आणि माजी नगरसेवक वसंत मोरे (Corporator Vasant More) यांनी व्यक्त केले होते. आता वसंत मोरे यांच्याकडून मनसे पुणे शहराध्यक्ष पद काढून घेण्यात आल्याची माहिती समोर आली आहे.
महाराष्ट्र नवनिर्माण सेनेचे अध्यक्ष मा. श्री. राजसाहेब ठाकरे यांच्या आदेशाने आज नगरसेवक श्री. साईनाथ संभाजी बाबर यांची पक्षाच्या पुणे शहर अध्यक्षपदी नियुक्ती करण्यात आली आहे. नव्या जबाबदारीसाठी श्री. साईनाथ बाबर यांचे मनःपूर्वक अभिनंदन आणि भावी राजकीय वाटचालीसाठी शुभेच्छा! pic.twitter.com/Egqw962ZIx
— MNS Adhikrut – मनसे अधिकृत (@mnsadhikrut) April 7, 2022
नगरसेवक वसंत मोरे यांचे पद काढून घेतल्याने त्यांच्या जागी आता नवनियुक्त पुणे महाराष्ट्र नवनिर्माण सेनेचे शहराध्यक्ष म्हणून साईनाथ संभाजी बाबर यांची नियुक्ती करण्यात आली आहे. अशी माहिती मनसेच्या अधिकृत ट्विटर माध्यमातून समोर आली आहे. दरम्यान, राज ठाकरे यांचे आदेश पालन न केल्याने वसंत मोरे यांच्याकडून पद काढून घेण्यात आल्याची चर्चा आहे.
Web Title :- Corporator Sainath Babar | Appointment of Sainath Babar as MNS Pune city president MNS Corporator Vasant More
Join our WhatsApp Group, Telegram, facebook page and Twitter for every update